9 वर्षाच्या मुलाच्या अवयवांचे प्रत्यारोपण:अन चौघांचे प्राण वाचले

पुणे-साधू वासवानी मिशनच्या वैद्यकीय संकुल, इनलाक्स आणि बुधराणी रुग्णालयात ब्रेनडेड घोषित करण्यात आलेल्या नऊ वर्षाच्या मुलाचे अवयव दान करण्यास तीन दिवसांपूर्वी त्याच्या वडिलांनी संमती दर्शवली. मुलाच्या अवयवांमुळे चार जणांचे प्राण वाचले, अशी माहिती इनलॅक्स अँड बुधराणी रुग्णालयाच्या वैद्यकीय अधीक्षक रिया आहुजा यांनी दिली.
मुलाच्या वडिलांनी अवयव दान करण्यास संमती दिल्यानंतर इनलॅक्स अँड बुधराणी रुग्णालयाने १ जुलै रोजी पहिले बहुअवयव आणि टिश्यू डोनेशन केले. हायड्रोसेफलस (अडथळा आणणारा) असलेल्या सौम्य कोलॉइड सिस्टवर नियमित उपचार घेत असलेल्या नऊ वर्षीय मुलाला 3 जुलै रोजी तीव्र डोकेदुखी आणि उलट्या झाल्याने रुग्णालयात दाखल करण्यात आले होते.
आम्ही शस्त्रक्रिया केली, पण मुलाची प्रकृती चिंताजनक होती, असे आहुजा यांनी सांगितले आणि ८ जुलैच्या मध्यरात्री त्यांना ब्रेनडेड चोषित करण्यात आले. वडील आणि मुलाच्या काकांचे समुपदेशन करून त्यांचे अवयवदान करून चौघांचे प्राण वाचविण्याचा निर्णय विण्यात आला.
एक मूत्रपिंड ज्युपिटर लाईफलाईन रुग्णालयात पाठविण्यात आल्याची माहिती विभागीय प्रत्यारोपण समन्वय समितीच्या झेडटीसीसी) केंद्रीय समन्वयक आरती गोखले यांनी दिली. दुसरी किडनी व स्वादुपिंड पुणे डेक्कन येथील सह्याद्री स्पेशालिटी हॉस्पिटलमधील एका रुग्णाला प्रत्यारोपित करून फुफ्फुसे डॉ. डी. वाय. पाटील रुग्णालय व संशोधन केंद्रात प्रत्यारोपणासाठी पाठविण्यात आली.
गोखले म्हणाले की, राष्ट्रीय अवयव व ऊतक प्रत्यारोपण संस्थेने जुलै हा अवयवदान जनजागृती महिना म्हणून घोषित केला आहे. उपचारात्मक कारणांसाठी मानवी अवयव काढणे, साठवणे आणि प्रत्यारोपण नियमित करण्यासाठी 8 जुलै रोजी मानवी अवयव प्रत्यारोपण कायदा (टीएचओए) लागू करण्यात आला.