पुणे-दिवा पॅजंट्सतर्फे आयोजित मिसेस महाराष्ट्र २०२३चे ७वे पर्व दिमाखात पार पडले. ३० नोव्हेंबर ते ३ डिसेंबर या
काळात ही भव्य स्पर्धा पुण्यातील प्रतिष्ठेच्या नोव्होटेलमध्ये घेण्यात आली. या स्पर्धेने सौंदर्यस्पर्धांच्या विश्वात एक
दखलपात्र मानक तर स्थापन केला आहेच, शिवाय अनेक पारंपरिक कल्पनांच्या चाकोऱ्या लक्षणीयरित्या मोडल्या
आहेत. बुद्धिमत्ता, करिष्मा आणि सामाजिक जबाबदारीचा गौरव ही स्पर्धा करत आली आहे.
ही सौंदर्यस्पर्धा वैविध्याचा कलायडोस्कोप होती. विविध वयोगटांतील तसेच क्षेत्रांतील विवाहित स्त्रिया स्पर्धेत
सहभागी झाल्या होत्या. प्रत्येक स्पर्धकाची अनन्यसाधारण कहाणी होती. लग्न आणि वय हे स्त्रीच्या प्रवासातील
अडथळे नव्हे, तर तो समृद्ध करणारे घटक आहे हे त्यांनी दाखवून दिले. या स्पर्धेने समावेशकतेशी राखलेल्या
बांधिलकीचे प्रतीक म्हणजे यामध्ये एक मूकबधीर स्पर्धक सहभागी झाली होती. सौंदर्य व प्रतिभा या कोणत्याही
सीमेच्या अधीन नाहीत याचे हे प्रभावी विधान होते.
दिवा पॅजंट्सचे संस्थापक अंजना व कार्ल मस्कारहान्स यांची या लोकप्रिय सोहळ्याच्या संकल्पनेत व कार्यान्वयनात
महत्त्वाची भूमिका आहे. केवळ सौंदर्य दाखवणारे नव्हे तर स्त्रीला साचेबद्ध कल्पनांमधून बाहेर पडून आदर्श ठरण्यास
सक्षम करणारे व्यासपीठ निर्माण करणे हे त्यांचे उद्दिष्ट राहिले आहे.
या सोहळ्याला सारा जेन डायस, अक्षय वाघमारे, विराट मडके आणि विंध्या तिवारी आदी सेलेब्रिटी उपस्थित होते.
त्यामुळे कार्यक्रमाला एक वलय व प्रेरणा मिळाली. मान्यवर परीक्षक मंडळात दीप्ती चाको बंगेरा यांचा समावेश होता.
या मंडळाने आपले कौशल्य व ज्ञान यांचा उपयोग करून स्पर्धकांचे परीक्षण करण्याचे आव्हानात्मक काम पार पाडले.
दिवा पॅजंट्स रूपांतरणात्मक ग्रूमिंगसाठी ओळखले जाते. अंतिम फेरीतील स्पर्धकांना चार दिवसांच्या रूपांतरणात्मक
प्रवासामध्ये, दिवा पॅजंट्सद्वारे पुरवल्या गेलेल्या अविचल मार्गदर्शनाची व सातत्यपूर्ण सहाय्याची भूमिका, खूपच
महत्त्वाची होती. या काळात स्पर्धकांना तपशीलवार प्रशिक्षण व ग्रूमिंगची संधी प्राप्त झाली. त्यामुळे स्वत:ची
सर्वोत्तम बाजू व्यासपीठावर प्रस्तुत करण्याच्या दृष्टीने सज्ज होण्यासाठी आवश्यक ते रूपांतरण साधण्यात त्यांना खूप
मदत झाली. हा सक्षम करणारा अनुभव त्यांचा आत्मविश्वास, तोल आणि सादरीकरणाची कौशल्ये यांमध्ये सुधारणा
करण्याच्या दृष्टीने विकसित करण्यात आला होता. त्यातून त्यांना भव्य व्यासपीठावर उभे राहण्यासाठी सज्ज होण्यात
मदत झाली.
या शोचे नृत्यदिग्दर्शन प्रतिभावान कलाकार पूजा सिंग यांनी केले होते. व्यासपीठ उजळून टाकण्यात त्यांचे कौशल्य व
मार्गदर्शन उपयुक्त ठरले.
चैतन्य राठी यांनी सोहळ्याचे सूत्रसंचालन केले. सोहळ्याचा प्रवाह अखंड व खिळवून ठेवणारा राहावा यासाठी
त्यांची मोहकता व करिष्मा उपयोगात आणला गेला.
सिसिलिया सन्याल, मृणाली तायडे आणि स्पेंता पटेल यांनी या भव्य सोहळ्याचा समन्वय अचूकरित्या राखला.
त्यामुळे स्पर्धेचे प्रत्येक अंग परिपूर्णतेने कार्यान्वित झाले. टॅलंट राउंडचे सूत्रसंचालन आणि सब-टायटल क्राउनिंगचे
सूत्रसंचालन आमच्या सर्वोत्तम समन्वयकांपैकी एक असलेल्या मृणालिनी भारद्वाज यांनी केले.
मिसेस महाराष्ट्र २०२३च्या विजेत्या
सिल्व्हर कॅटेगरी
विजेत्या: हिमानी सिंग
१ल्या उपविजेत्या- नेहा परब
२ऱ्या उपविजेत्या: सुप्रिया तांबे
गोल्ड कॅटेगरी
विजेत्या: शिखा सिंग
१ल्या उपविजेत्या: श्वेता शहारे
२ऱ्या उपविजेत्या: वैशाली हिरे रंगा
एलीट कॅटेगरी
विजेत्या: बिंदू उन्नीकृष्णन
१ल्या उपविजेत्या: निशा कपिला
२ऱ्या उपविजेत्या: रोमा व्हाबी
मिसेस महाराष्ट्र बाय दिवा पॅजंट्स ही भारतातील आघाडीच्या सौंदर्यस्पर्धांपैकी एक आहे आणि महाराष्ट्रातील
स्त्रियांमध्ये कायापालट घडवून आणण्यात, त्यांना प्रत्येक क्षेत्रात चमकण्याची संधी देण्यात या स्पर्धेने महत्त्वाची
भूमिका बजावली आहे. या सोहळ्याची भव्यता आणि यश यामुळे मिसेस महाराष्ट्र स्पर्धेच्या ७व्या पर्वात तिचे
महाराष्ट्रातील पहिल्या क्रमांकाची सौंदर्यस्पर्धा हे स्थान भक्कम झाले.
