एमएसएमई साठी दोन मिनिटांत सुलभ वित्तपुरवठा सुविधा, नऊ महिन्यांत ८ लाखांहून अधिक नोंदणी आणि ५०० कोटी रु. चे वितरण
मुंबई, २६ जून २०२४: आदित्य बिर्ला कॅपिटल लिमिटेड (“ABCL”) ची वित्तपुरवठा करणारी उपकंपनी आदित्य बिर्ला फायनान्स लिमिटेड (“ABFL”) चा B2B प्लॅटफॉर्म उद्योग प्लस आपल्या विकासाच्या प्रवाहाचा लाभ घेत आहे. सादर झाल्यापासून नऊ महिन्यांत प्लॅटफॉर्मवर ८ लाखांहून अधिक वापरकर्त्यांनी नोंदणी केली असून त्यावरून एमएसएमई क्षेत्रात प्लॅटफॉर्मला मिळत असलेली मजबूत स्वीकृती दिसून येत आहे. ABFL ने एमएसएमईसाठी दोन मिनिटांत वित्तपुरवठा सुलभ करण्यात मोठी भूमिका बजावली आहे.
उद्योग प्लसने ५०० कोटी रु.पेक्षा जास्त कर्ज वाटपाची सोय केली असून त्यामध्ये या रकमेपैकी दोन तृतीयांश वाटा आदित्य बिर्ला ग्रुप (ABG) इकोसिस्टमचा आहे. विविध प्रकारच्या कर्जाच्या गरजा पूर्ण करत प्लॅटफॉर्म तर्फे सुमारे २५० कोटी रु. च्या एयूएम (व्यवस्थापनांतर्गत मालमत्ता) चे व्यवस्थापन केले जाते. यामध्ये असुरक्षित व्यवसाय कर्ज, व्यापारी कर्ज, पुरवठा साखळी वित्तपुरवठा आणि खेळते कार्यरत भांडवल सुविधा यांचा समावेश आहे. जोडीला, अनेक ग्राहक कर्जासह विमा सुविधा मिळविण्यासाठी उद्योग प्लस वापरतात.
एबीएफएल एबीजी इकोसिस्टममध्ये उद्योग प्लसचा विस्तार करत आहे आणि व्यापक पातळीवर एमएसएमई वर्गापर्यंत पोहोचत आहे. प्लॅटफॉर्मने ई-कॉमर्स आणि डिजिटल प्लॅटफॉर्म, व्यवसाय व्यवस्थापन प्लॅटफॉर्म आणि OCEN आणि ONDC सारख्या डिजिटल पब्लिक पायाभूत सुविधा यांच्यासह भागीदारी केली आहे. हे सहयोग प्लॅटफॉर्मच्या योजना आणि पोहोच वाढवत आहेत.
उद्योग प्लस बिझनेस नेटवर्किंग, डिजिटल कॉमर्स आणि अकाउंटिंग आणि पेरोलसाठी अॅप्लिकेशन्स अशा मूल्यवर्धित सेवा देखील पुरविते. त्यामुळे एमएसएमईंना त्यांचे कार्य सुव्यवस्थित करण्यात मदत होते. आपल्या मोबाइल ॲपसह प्लॅटफॉर्म एक अखंड वित्तपुरवठा अनुभव सुनिश्चित करून, अंडररायटिंग ते कलेक्शनपर्यंतचा संपूर्ण डिजिटल प्रवास सादर करतो.
उद्योग प्लस प्लॅटफॉर्म विस्तारत असताना ABFL शाश्वत परतावा देण्यासाठी आणि एमएसएमईंना सेवा देण्याची क्षमता वाढवण्यासाठी बांधील आहे. ही वाढ सूक्ष्म, लघु आणि मध्यम आकाराच्या उद्योगांसाठीच्या वाढत्या कर्ज वितरणाच्या प्रवाहाशी सुसंगत आहे.
अलीकडे, असे दिसून आले आहे की, मागील वर्षाच्या तुलनेत एप्रिल २०२४ मध्ये सूक्ष्म आणि लघु उद्योगांना १८.६% ने वाढून १९.६४ लाख कोटी रु.चा वित्तपुरवठा करण्यात आल्यामुळे भारतातील एमएसएमईं क्षेत्र क्रेडिट बूम अनुभवत आहे. त्याचप्रमाणे, मध्यम आकाराच्या संस्थांना मिळालेल्या कर्जामध्येही याच कालावधीत १६.५% ने वाढ झाली आहे.
