हैदराबाद,: FedEx Corp. (एनवायएसई:एफडीएक्स) या प्रसिद्ध कंपनीची एक उपकंपनी आणि जगातील सर्वात मोठ्या एक्सप्रेस वाहतूक कंपन्यांपैकी एक असलेल्या FedEx Express (FedEx) ने हैदराबादच्या आर्थिक विश्वामध्ये तब्बल १०० दशलक्ष अमेरिकन डॉलर एवढी मोठी गुंतवणूक करत त्यांच्या पहिल्या ‘FedEx प्रगत क्षमता समुदाय’ (FedEx advanced capability Community-ACC) चे आज हैदराबाद येथे उद्घाटन केले.
भारतात होत असलेल्या तांत्रिक आणि डिजिटल परिवर्तनाला आणि नवकल्पकतेला पाठिंबा देऊन भारतास उत्कृष्ट अश्या प्रतिभेचा लाभ मिळवून देण्यासाठी FedEx नेहमीच कटिबद्ध राहिले आहे. या पहिल्या केंद्राच्या महत्वपूर्ण टप्प्यामध्ये देखील त्यांची हीच कटिबद्धता सर्वात पुढे आहे. या उद्घाटन सोहळ्याला FedEx Corporationचे अध्यक्ष आणि मुख्य कार्यकारी अधिकारी श्री. राज सुब्रमणियम आणि FedEx Express चे अध्यक्ष आणि एअरलाइन आणि इंटरनॅशनलचे मुख्य कार्यकारी अधिकारी रिचर्ड स्मिथ हे उपस्थित होते.
तांत्रिक आणि डिजिटल नवकल्पकतेचे केंद्र म्हणून FedEx ACC कडे पाहिले जात आहे. तांत्रिकी कौशल्याने संपन्न अश्या समुदायाला समर्थन देण्यावर तेलंगणा सरकारचा जो धोरणात्मक जोर आहे त्याच्याशी हे केंद्र पूरक आहे. रोजगाराच्या संधी वाढविण्यासोबतच हे केंद्र नवीन क्षमतांच्या विकासासाठी आणि संपूर्ण जगभरातील FedEx च्या कामकाजाच्या तांत्रिकी गरजा पूर्ण करण्यासाठी सुद्धा सहाय्यक ठरेल.
FedExCorporation चे अध्यक्ष आणि मुख्य कार्यकारी अधिकारी श्री. राज सुब्रमणियम म्हणाले, “तांत्रिक व डिजिटल प्रतिभा आणि नवकल्पकतेमध्ये गुंतवणूक करणे हा उत्कृष्टतेला प्रोत्साहन देण्याच्या आणि जगभरात अतुलनीय असे स्मार्ट लॉजिसटिक्स उपाय पुरविण्याच्या आमच्या अत्यंत व्यापक योजनेचा एक भाग आहे. अत्यंत प्रतिभा संपन्न अश्या समूहाचा लाभ घेऊन आम्ही डिजिटल परिवर्तनाला गती देत आहोत आणि आमच्या ग्राहकांना नवनवीन कल्पक असे उपाय व पर्याय उपलब्ध करून देत आहोत.”
जगभरात अश्या तांत्रिक व डिजिटल प्रतिभेला प्रोत्साहन देणाऱ्या कंपन्यांचे नेटवर्क उभारण्याच्या कंपनीच्या जागतिक धोरणाचे हे पहिले FedEx ACC एक महत्वाचे पाऊल आहे. शिवाय पुढे जाऊन हे कंपनीच्या वाढीला व विस्तारला चालना देईल आणि जागतिक पुरवठा साखळीच्या परिसंस्थेला अजून समृद्ध करेल.
