टेम्पो ट्रॅव्हलरचा ताबा सुटून उत्तराखंडमधील बद्रीनाथ महामार्गावरील अलकनंदा नदीत पडली. या अपघातात 8 पर्यटकांचा मृत्यू झाला, तर 15 जण जखमी झाले. टेम्पो ट्रॅव्हलरमध्ये 23 प्रवासी असल्याची माहिती आहे. सर्वजण बद्रीनाथ दर्शनासाठी जात होते. हे पर्यटक दिल्लीतील असल्याचे सांगण्यात येत आहे.
पोलीस आणि एसडीआरएफची टीम घटनास्थळी पोहोचली आहे. बचावकार्य सुरू झाले आहे. स्थानिक लोक पोलिसांना मदत करत आहेत. जखमींना बाहेर काढून रुग्णालयात पाठवण्यात येत आहे. गंभीर जखमींना हेलिकॉप्टरने ऋषिकेश एम्समध्ये पाठवण्यात येत आहे.
एसपी डॉ. विशाखा अशोक भदाणे यांनी सांगितले- रुद्र प्रयागमधील रंटोलीजवळ हायवेवरून एक टेम्पो ट्रॅव्हलर खड्ड्यात कोसळली. स्थानिक लोक, एसडीआरएफ, अग्निशमन सेवा, जिल्हा आपत्ती व्यवस्थापन आणि जल पोलीस बचावकार्य करत आहेत.
जिथे हा अपघात झाला तिथे रेल्वे प्रकल्पाचे काम सुरू होते. लोकांना वाचवण्यासाठी 3 मजुरांनी नदीत उड्या घेतल्या. यापैकी 2 परत आले. मात्र या अपघातात 1 चा मृत्यू झाला. प्रवासी ज्या ठिकाणी पडले ते 250 फूट खोल असल्याचे सांगण्यात येत आहे.
