ही उल्लेखनीय कामगिरी पूर्ण करणारी रोहन बिल्डर्स कंपनी देशातील काही निवडक विकसकांपैकी एक आहे
पुणे २१ मे २०२४: रिअल इस्टेट क्षेत्रातील नामांकित विकसक रोहन बिल्डर्सने सलग १४ व्या वर्षी क्रिसिल मानांकन संस्थेकडून देण्यात येणारे प्रतिष्ठित DA2+ डेव्हलपर ग्रेडिंग कायम राखले आहे. ही उल्लेखनीय कामगिरी पूर्ण करणारी ती देशातील काही निवडक विकसकांपैकी एक आहे. क्रिसिल डेव्हलपर ग्रेडिंग देताना केवळ आर्थिक मापदंडच नाही तर व्यवस्थापन क्षमता, वेळेवर विक्री, संकलन, आणि वितरण यासह विकासकाच्या सर्व विभागातील कामकाज गृहीत धरले जाते.
रोहन बिल्डर्सचे संचालक श्री. सुहास लुंकड म्हणाले, “आम्ही स्वच्छ हवा, पाणी, मोकळी जागा यांसारख्या मूलभूत गरजा तसेच अनेक वर्षे भक्कमपणे टिकतील अशी घरे देताना एकत्र जीवनशैलीसाठी आवश्यक असणाऱ्या गृहप्रकल्पांची रचना करत असतो. यामुळे आमच्या ग्राहकांना वेळेत आणि गुणवत्तेसह उत्तम गृहप्रकल्प देण्यास मदत होते. फक्त सद्यस्थिती कडे लक्ष न देता भूतकाळातील कोरोना महामारीसारखी संकट तसेच भविष्यातील आव्हाहनांचा विचार करून आज आम्ही भक्कम पणे उभे आहोत.”
रोहन बिल्डर्सने रिअल इस्टेट क्षेत्रात १५ दशलक्ष चौरस फूट क्षेत्रफळाचे ६५ पेक्षा अधिक गृहप्रकल्प पुणे आणि बंगळूर येथे निर्माण केले आहे. सुमारे ६० लाख चौरस फूट क्षेत्राचे सात गृहप्रकल्प बांधकामाधीन असून, लवकरच पुणे, बंगळूर, मुंबईसारख्या शहरांमध्ये नवीन ४ गृहप्रकल्पाचे नियोजन चालू आहे. रिअल इस्टेट मार्केटमध्ये गेल्या काही तिमाहीत नवीन प्रकल्प दाखल होण्याचे प्रमाण वाढत असून, विक्रीही तेजीत आहे. ताज्या रिअल इस्टेट संशोधन अहवालानुसार, या दोन्ही शहरांमध्ये अनुक्रमे सात आणि आठ महिन्यांची इन्व्हेंटरी आहे, जी गेल्या दशकातील सर्वांत कमी आहे. यावरून या शहरांतील मागणी वाढत असल्याचे स्पष्ट होते. पुढील किमान ३ ते ४ तिमाहीत हाच कल कायम राहील अशी अपेक्षा आहे.
क्रिसिलचे बिझनेस हेड आणि MI&A असेसमेंट विभागाचे प्रमुख बिनिफर जेहानी म्हणाले, “DA2+ ही ग्रेडिंग दर्शविते कि डेव्हलपर सर्व प्रकारचे गृहप्रकल्प हाताळण्यास तसेच वेळेत पूर्ण करण्यास सक्षम आहे. रियल इस्टेट क्षेत्रात पारदर्शकता असणे आवश्यक आहे, ज्यामुळे ग्राहकांचा विश्वास टिकवणे सोपे होते. तसेच रेराच्या अटींची पूर्तता करणे आणि ग्राहकांचा विश्वास मिळवणे या दोन्ही गोष्टींसाठी क्रिसिल रेटिंग सारख्या थर्ड पार्टी मूल्यांकन देणाऱ्या संस्थांची मदत होते. क्रिसिलचे डेव्हलपर ग्रेडिंग डेव्हलपरच्या क्रेडेन्शियलचे मूल्यांकन करण्यासाठी एक विश्वासार्ह बेंचमार्क प्रदान करते. क्रिसिल ग्रेडिंग ऑपरेशनल आणि आर्थिक उत्कृष्टता दर्शविते, जे भागधारकांनाही आश्वस्थ करते.”
रोहन बिल्डर्स रियल इस्टेटबरोबरच इंडस्ट्रियल कॉन्ट्रॅक्टिंग आणि इन्फ्रास्ट्रक्चर या बांधकाम क्षेत्रातही अग्रेसर आहे. इन्फ्रास्ट्रक्चर या क्षेत्रात अनेक राज्यांमध्ये सुमारे ८०० किलोमीटरपेक्षा अधिक कार्य केले आहे. ज्यामध्ये रस्ते, ब्रिज, बोगदे यांचा समावेश आहे. या सर्व प्रकल्पांमध्ये ‘घाट की गुणी हा विशेष उल्लेखनीय प्रकल्प आहे, जो जयपूर येथील पाकिस्तानला जोडणाऱ्या अमृतसर वाघा बॉर्डर जवळ आहे.
इंडस्ट्रियल कॉन्ट्रॅक्टिंग या क्षेत्रात १६४ पेक्षा अधिक प्रकल्प यशस्वीरित्या पूर्ण केले आहेत. यातील सुमारे ७२% प्रोजेक्ट्स हे FMCG, Auto, Oil & Gas आणि Pharma क्षेत्रातील आंतरराष्ट्रीय क्लायंट्स कडून रिपीट
ऑर्डर्स स्वरूपात मिळाले आहेत. सध्याच्या प्रकल्पांमध्ये व्यावसायिक इमारती, इंडस्ट्रियल चिमणी आणि डेटा सेंटर्सचा समावेश आहे, जे रोहन बिल्डर्सच्या मजबूत इंजिनियरिंग क्षमता दर्शवतात.
रियल इस्टेट क्षेत्रात रोहन बिल्डर्सने पुणे आणि बंगळूर या शहरांमध्ये अनेक पुरस्कार प्राप्त गृहप्रकल्प पूर्ण केले आहेत. ज्यामध्ये उंच इमारती, व्हिला, बंगले, रो-हाऊस तसेच मोठ्या टाऊनशिप्स चा समावेश आहे.
वरील सर्व क्षेत्रात अनेक पुरस्कार प्राप्त करूनही रोहन बिल्डर्ससाठी ‘ग्राहकांचे समाधान’ हाच सर्वोच्च पुरस्कार आहे.
क्रिसिल ही एक अग्रगण्य जागतिक विश्लेषण कंपनी आहे जी जागतिक बाजारपेठचे मूल्यमापन करून मार्केटला अधिक चांगले काम करण्यास प्रोत्साहित करते. रेटिंग, डेटा, संशोधन, विश्लेषणे आणि सोल्यूशन्स प्रदान करणारी आघाडीची कंपनी आहे. मार्केट मधील उतार चढाव, बदल आणि मजबूत ट्रॅक रेकॉर्ड चा अभ्यास करण्यात क्रिसिलने जागतिक ठसा उमटवला आहे. क्रिसिलने भारत, USA, UK, अर्जेंटिना, पोलंड, चीन, हाँगकाँग, UAE आणि सिंगापूर येथून कार्यरत असलेल्या व्यवसायांद्वारे १,००,००० हून अधिक ग्राहकांना वैयक्तिक मार्गदर्शना द्वारे कृती करण्यायोग्य कार्यक्षम उपाय दिले आहेत.
क्रिसिल S&P Global Inc च्या मालकीचे आहे, जे जगभरातील भांडवल आणि कमोडिटी मार्केटला पारदर्शक आणि स्वतंत्र रेटिंग, बेंचमार्क, विश्लेषणे आणि डेटा प्रदान करते.
