इंफाळ-
मिझोरामच्या 40 विधानसभा जागांवर झालेल्या निवडणुकीत झोरम पीपल्स मूव्हमेंट (ZPM) सर्वात मोठा पक्ष म्हणून उदयास आला आहे. झेडपीएमने 27 जागा जिंकून बहुमत मिळवले आहे. सत्ताधारी मिझो नॅशनल फ्रंटला (एमएनएफ) 10 जागा मिळाल्या आहेत.
सीएम झोरामथांगा यांचा आयझॉल-पूर्व 1 मतदारसंघातून पराभव झाला आहे. त्यांचा झेडपीएमच्या लालथनसांगा यांनी पराभव केला. दुसरीकडे भाजपने दोन जागा जिंकल्या आहेत. गेल्या वेळी पक्षाला एक जागा मिळाली ती. तर काँग्रेस 1 जागेवर आघाडीवर आहे.
झोरम पीपल्स मूव्हमेंटचे नेते लालदुहोमा म्हणाले- पक्षाची प्रगती पाहून आनंद झाला. येत्या दोन दिवसांत मी राज्यपालांना भेटणार आहे. त्याचबरोबर याच महिन्यात शपथविधी होणार असल्याचे ते म्हणाले.
लालदुहोमा हे माजी आयपीएस अधिकारी आहेत. त्यांनी माजी पंतप्रधान इंदिरा गांधी यांची सुरक्षा सांभाळली आहे. त्यांच्या पक्षाने दुसऱ्यांदा विधानसभा निवडणूक लढवली. 2018 मध्ये झेडपीएमला 8 जागा मिळाल्या होत्या.
7 नोव्हेंबर रोजी सुमारे 77.04% मतदान झाले होते. सत्ताधारी मिझो नॅशनल फ्रंट (MNF), झोरम पीपल्स मूव्हमेंट (ZPM) आणि काँग्रेस यांच्यात मुख्य लढत आहे. भाजप येथे किंगमेकर बनण्याचा प्रयत्न करत आहे.
10 वर्षे सत्तेत असलेल्या काँग्रेसला 2018 च्या विधानसभा निवडणुकीत सरकार गमवावे लागले होते. पी. ललथनहवला चांफई दक्षिण आणि सेरछिप या दोन्ही जागांवरून निवडणूक हरले होते. मिझो नॅशनल फ्रंटने (MNF) थेट लढतीत काँग्रेसचा पराभव केला. झोरमथांगा मुख्यमंत्री झाले. त्यानंतर एमएनएफला 26, काँग्रेसला 5, भाजपला 1 आणि अपक्षांना 8 जागा मिळाल्या होत्या.
