जामीन देताना घातल्या ३ अटी-१)मद्य धोरण प्रकरणावर केजरीवाल बोलू शकणार नाहीत.२)प्रचार करू शकतील.
३)2 जून रोजी आत्मसमर्पण करावे लागेल.
नवी दिल्ली- दिल्लीचे मुख्यमंत्री अरविंद केजरीवाल शुक्रवारी (10 मे) संध्याकाळी 6.55 वाजता तिहार तुरुंगातून बाहेर आले. सर्वोच्च न्यायालयाने त्यांना 1 जूनपर्यंत अंतरिम जामीन मंजूर केला आहे. त्यांना कोणत्याही परिस्थितीत 2 जून रोजी आत्मसमर्पण करण्यास सांगण्यात आले आहे.दिल्ली दारू धोरण प्रकरणी केजरीवाल 1 एप्रिलपासून तिहार तुरुंगात बंद होते. न्यायालयाने आज दुपारी दोन वाजता एका ओळीत निकाल जाहीर केला.मात्र, त्यांच्या वकिलाने 5 जूनपर्यंत सुटकेची विनंती केली, जी सर्वोच्च न्यायालयाने फेटाळली. निवडणूक प्रक्रिया 1 जून रोजी संपणार असल्याचे न्यायालयाने सांगितले.
न्यायमूर्ती संजीव खन्ना म्हणाले, ‘ईडीने ऑगस्ट 2022 मध्ये गुन्हा नोंदवला. त्यांना मार्च (2024) मध्ये अटक करण्यात आली होती. ते 1.5 वर्षे कुठे होते? अटक नंतर किंवा त्यापूर्वी होऊ शकते. 21 दिवस इथे किंवा तिथे काही फरक पडू नये.
ईडीने म्हटले आहे की, निवडणूक प्रचार हा जामिनासाठी आधार असू शकत नाही, कारण तो मूलभूत किंवा कायदेशीर अधिकार असू शकत नाही. जामीन मंजूर केल्याने चुकीचा आदर्श निर्माण होईल, असेही ईडीने म्हटले होते.
सर्वोच्च न्यायालयाने सांगितले की, ‘केजरीवाल यांच्या अटकेविरोधातील याचिकेवरील चर्चा पुढील आठवड्यात सुरू राहणार आहे. 20 मेपासून सुरू होणाऱ्या उन्हाळ्याच्या सुट्यांपूर्वी याचिकेवर निकाल देण्याचा प्रयत्न करणार आहे.
न्यायमूर्ती संजीव खन्ना आणि न्यायमूर्ती दीपंकर दत्ता यांच्या खंडपीठाने सांगितले की, ‘केजरीवाल यांच्या अंतरिम जामिनाच्या अटी ‘आप’ नेते संजय सिंह यांच्या जामिनावर लावलेल्या अटींसारख्याच असतील.’
सर्वोच्च न्यायालयाने आपल्या निर्णयात तीन गोष्टी सांगितल्या आहेत
