तरुणांच्या उत्साहात बाईक रॅली !कोथरूड विधानसभा मतदारसंघात महायुतीच्या प्रचारार्थ बाईक रॅली काढली. भेलकेनगरपासून सुरू झालेली ही रॅली गुजरात कॉलनी, आझादनगर, शास्रीनगर, सागर कॉलनी, हमराज, परमहंसनगर, पेठकर साम्राज्य, सुतारदरा, जय भवानीनगर, रामबाग, कानिफनाथ मंडळ, साई मित्रमंडळ, मोरे विद्यालय चौक, हनुमाननगर, एआरआय रोड, श्रीराम चौक, विश्वशांती चौक, किशोर विटेकर चौकमार्गे गेली व मेगा सिटीजवळ तिचा समारोप झाला.उच्च आणि तंत्रशिक्षणमंत्री चंद्रकांतदादा पाटील, खासदार संजयनाना काकडे, दीपकभाऊ मानकर, किशोरभाऊ शिंदे, वर्षाताई डहाळे, पुनीत जोशी, मिलिंद बालवडकर, डॉ. संदीप बुटाला, बाळासाहेब खंकाळ, नगरसेवक दिलीप वेडे-पाटील, किरण दगडे-पाटील, माजी नगरसेविका वासंतीताई जाधव, हर्षलीताई माथवड, अल्पनाताई वर्पे, श्रद्धाताई प्रभुणे, छायाताई मारणे, श्री. प्रतिक देसरडा, मयूर पानसरे, कांचनताई कुंबरे यांच्यासह महायुतीतील पदाधिकारी आणि कार्यकर्ते मोठ्या संख्येने रॅलीत सहभागी झाले होते.
मल्टिमोडल हब या प्रकल्पामुळे स्वारगेटच्या केशवराव जेधे चौकाचा कायापालट होणार असून, परिसराचा चेहरामोहरा बदलणार आहे. मेट्रो-पीएमपी-एसटी अशा सर्व सेवांच्या प्रवाशांना अत्याधुनिक सुविधा मिळणार असून, उद्योग व्यवसायांना गती मिळणार असल्याचे मत पुणे लोकसभा मतदारसंघातील भाजप महायुतीचे उमेदवार मुरलीधर मोहोळ यांनी व्यक्त केले.
मोहोळ यांच्या प्रचारार्थ आज पर्वती मतदारसंघात तुळशीबाग कॉलनी, तळजाई वसाहत, चव्हाण नगर, पद्मावती, शिवदर्शन परिसरात प्रचारफेरीचे आयोजन करण्यात आले होते. आमदार माधुरी मिसाळ, दीपक मिसाळ, श्रीनाथ भिमाले, करण मिसाळ, राजू शिळीमकर, सुभाष जगताप, श्रीकांत पुजारी, अनिल जाधव, गणेश घोष, विशाल पवार, श्रुती नाझीरकर, विकास कांबळे आदी कार्यकर्ते सहभागी झाले होते.
मोहोळ पुढे म्हणाले, या प्रकल्पामुळे भुयारी मेट्रो आणि स्वारगेटचे एसटी स्थानक एकमेकांशी जोडले जाणार आहे. मेट्रोच्या मल्टिमोडल हबमध्येच पीएमपीचे राजश्री शाहू बस स्थानक होणार आहे. कुठूनही कुठे जाण्यासाठी उत्तम कनेक्टिव्हिटी एकाच ठिकाणी मिळणार आहे. हबमध्ये व्यावसायिक जागा विकसित केल्या जाणार आहे. मॉल, मल्टिफ्लेक्स आणि इतर व्यवसायासाठी जागा दिली जाणार. त्यामुळे प्रवाशांची मोठी सोय होणार आहे.
