पुणे स्टेशनवरून आईच्या कुशीत झोपलेले ६ महिन्याचे बाळ पळविणाऱ्या टोळीला कर्नाटकात पकडले-बाळाची सुखरूप सुटका:पुणे पोलिसांची अभिमानास्पद कामगिरी

निवडणुकीच्या धामधुमीतही पुणे पोलिसांनी दाखविली कर्तव्य तत्परता -आयुक्तांनी तपास पथकाला दिले १ लाखाचे बक्षीस

गरीबाच्या बाळाचा पुणे पोलिसांनी घेतला तत्परतेने शोध

पुणे- अवघ्या ६ महिने वयाच्या बालकाचे अपहरण करून विक्री करणाऱ्या टोळीला विजापुर राज्य कर्नाटक येथे पकडून अपहरण झालेल्या बालकाची सुटका पुणे पोलिसांनी केली आहे. यासंदर्भात पोलिसांनी सांगितले की,’दिनांक २७/०४/२०२४ रोजी पुणे रेल्वे स्टेशन, समोरिल मोकळ्या जागेत आई सोबत झोपलेल्या ६ महिने वयाचे बालकाला पाहटे ०२.०० वाजताचे सुमारास अनोळखी इसमाने उचलुन अपहरण करून चोरी केल्याचे मुलाचे नातेवाईक वडील(वय ३४ वर्षे रा. यवतमाळ) यांनी पहाटे ०४/०० वाजताचे सुमारास यांनी समक्ष पोलीस ठाणेस येवून कळविल्याने बंडगार्डन पोलीस ठाणे गु.र.नं.११८/२०२४ भादंवि कलम ३६३,३७०,३४ प्रमाणे गुन्हा नोंदविण्यात आला होता .
या गुन्हयाचे गांभीर्य लक्षात घेवून पोलिसांनी त्वरीत ३ टीम तयार करून परिसरातील ५० पेक्षा जास्त सीसीटीव्ही फुटेज बारकाईने तपासले असता एका ठिकाणी संशयीत इसम मुलास उचलुन घेवून जाताना अस्पष्टपणे दिसुन आले. त्यानंतर पुन्हा बारकाईने पाहिले असता सदरचा संशयीत इसम हा पुणे स्टेशन परिसरातुन कोणत्या मार्गाने गेला हे दिसुन आले नाही त्यामुळे सदर गुन्हयामध्ये चारचाकी वाहनाचा वापर झाला असावा तसेच गुन्हयात आरोपी १ पेक्षा जास्त असल्याचा संशय बळविल्याने या बाबत तांत्रिक विश्लेषण केल्यावर गुन्हयातील आरोपी हे चारचाकी गाडीने पुणे स्टेशन येथुन विजापुर राज्य कर्नाटक येथे गेल्याचे निष्पन्न झाले.
त्यानंतर त्या अनुषंगाने बंडगार्डन पोलीस ठाणे कडील गुन्हे प्रकटीकरण पथकाचे फौजदार रविंद्र गावडे व टीम वीजापुर राज्य कर्नाटक येथे तत्काळ रवाना करून तिकडच्या वेगवेगळया ठिकाणी छापा टाकुन चंद्रशेखर मलकाप्पा नडुगंड्डी वय २४ वर्षे रा. जंबगी ता. जि. वीजापुर याला त्याचे राहते घरातुन ताब्यात घेतले त्याचेकडे कौशल्य पुर्ण तपास केला असता त्याने अपहृत बालक हे त्याचे इतर ४ साथीदार यांचे मदतीने अपहरण करून त्यांचेडील इंडिका कार मधुन वीजापुर येथे नेवूनमे सुभाष सताप्पा कांबळे वय ५५ वर्षे रा. लांवगी सोलापुर यांना ३ लाख रुपयांना विक्री केल्याचे सांगितल्याने या पोलीस पथकाने विजापुर शहर येथे वेगवेगळया हॉटेलमध्ये पाहणी केली असता हॉटेल राजधानी, गांधी चौक वीजापुर येथे अपहरण झालेले बालक व आरोपी सुभाष कांबळे यांना ताब्यात घेतले आहे.

या तपास कामगिरीबाबतपोलीस आयुक्त अमितेश कुमार यांनी रोख एक लाख रुपये बक्षिस देवुन पोलिसांच्या या टिमचा गौरव केला आहे.
संबधित तपास कारवाई ही अप्पर पोलीस आयुक्त, पश्चिम प्रादेशीक विभाग प्रविणकुमार पाटील, पोलीस उप आयुक्त परिमंडळ २. श्रीमती स्मार्तना पाटील, . सहा पोलीस आयुक्त लष्कर विभाग,संजय सुर्वे वरीष्ठ पोलीस निरीक्षक संदीपान पवार, पोलीस निरीक्षक (गुन्हे) श्रीकांत निबांळकर यांचे मार्गदर्शनाखाली सहाय्यक पोलीस निरीक्षक सदिप मधाले, पोलीस उप-निरीक्षक रविंद्र गावडे, पोउपनि चेतन धनवडे, पोलीस अंमलदार सुधीर घोटकुले, ज्ञानेश्वर बडे, सागर घोरपडे, मंगेश बोराडे, शिवाजी सरक, मनोज भोकरे, ज्ञानेश्वर गायकवाड, राजु धुलगुडे, विलास केकान यांचे पथकाने केली.