पुणे-बांधकाम व्यावसायिक डी. एस. कुलकर्णी यांनी पुण्यातील चार बांधकाम व्यावसायिकांवर गंभीर आरोप केले आहेत. कुलकर्णी यांनी म्हटले की, डी. एस. कुलकर्णी डेव्हलपर्स लिमिटेड (DSK Developers Ltd) ही कंपनी पुण्यातील चार बांधकाम व्यावसायिकांनी कवडीमोल भावाने विकत घेतल्या असून ते ठेवीदारांचे पैसे परत करण्यास तयार नाहीत.
डी. एस. कुलकर्णी यांनी गंभीर आरोप करताना पुढे म्हटले की, १६ हजार कोटींच्या माझ्या मालमत्ता अवघ्या ८२६ कोटी रुपयांना विकत घेतल्या आहेत. व्ही. टी. पारलेशा, जयंत शहा, अशोक चोरडीया आणि प्रमोद रांका यांनी एनसीएलटीमार्फत या मालमत्ता विकत घेतल्या आहेत.
या गंभीर प्रकाराविरोधात डीएसके सुप्रीम कोर्टात गेले आहेत. सुप्रीम कोर्टाने १० मेपर्यंत या मालमत्ता विकण्यास स्थिगिती दिली आहे, असे डीएसके यांनी म्हटले.डी. एस. कुलकर्णी यांनी म्हटले की, सध्या अंगावरील कपडे सोडता माझ्याकडे काहीच नाही.
मालमत्ता तसेच बँक खाती गोठवली आहेत. मी ठेवीदारांचे पैसे परत कसे देऊ. २०१७ मध्ये एकाच वेळी ३२ हजार
जणांनी माझ्याकडे पैसे मागितले. मी आयुष्यात कधीही खोटे बोललो नाही. माझ्या जमिनी हडप केल्या आहेत.
डी. एस. कुलकर्णी म्हणाले, मी दिवाळखोर नाही. मला गुंतवणुकदारांचे पैसे परत द्यायचेत.आणखी एक महिन्याचा कालावधी दिला असता, तर सर्व मुद्दे निकाली लागले असते. मी पैसे देत होतो. पैसे कमी पडत नव्हते.पण, मला अटक होण्याआधी सर्व बँक खाती गोठवली. माझ्याविरोधात सर्व ठरवून केले गेले.
अंगावरील कपडे सोडता माझ्याकडं काहीच नाही
दरम्यान, सध्या अंगावरील कपडे सोडता माझ्याकडं काहीच नसल्याचे डीएसकेंनी सांगितलं. माझ्या मालमत्ता तसेच बँक खाती गोठवली आहेत. मी ठेवीदारांचे पैसे परत कसे देऊ असा सवालही त्यांनी केला. 2017 मध्ये एकाच वेळी मला 32 हजार जणांनी पैसे मागितल्याचे कुलकर्णी म्हणाले. मी आयुष्यात कधीही खोट बोललो नाही. माझ्या जमिनी हडप केल्याचा आरोप डी.एसकेंनी केलाय.
माझ्याविरोधात सर्व ठरवून केले
मी दिवाळखोर नाही. मला गुंतवणुकदारांचे पैसे परत द्यायचे आहेत असेही डीएसके म्हणाले. माझ्या सर्व मालमत्ता आणि बँकेची खाती गोठवली आहेत असं कुलकर्णी म्हणाले. सध्या अंगावरील कपडे वगळता माझ्याकडे काहीच नाही असे कुलकर्णी म्हणाले. मला आणखी एक महिन्याचा कालावधी दिला असता, तर सर्व मुद्दे निकाली लागले असते. मी पैसे देत होतो असे डीएसके म्हणाले. मला द्यायला थोडेचे पैसे कमी पडत होते. मला अटक होण्याआधी सर्व बँक खाती गोठवण्यात आली होती. माझ्याविरोधात सर्व ठरवून केल्याचे कुलकर्णी म्हणाले.
कुटुंबीयांसह कंपनीतील लोक होते अटकेत
तब्बल पाच वर्षांनंतर डी. एस. कुलकर्णी जामिनावर बाहेर आले आहेत. 2019 मध्ये गुंतवणूकदार आणि बँकांची फसवणूक केल्याच्या आरोपाखाली त्यांना अटक झाली होती, यानंतर आता त्यांची जामिनावर सुटका झाली आहे. गुंतवणूकदारांचे 800 कोटी अजूनही अधांतरी आहेत, येणाऱ्या काळात ते त्यांना परत मिळणार का? याचं उत्तर अद्याप तरी मिळालेलं नाही.फेब्रुवारी 2018 मध्ये डी. एस. कुलकर्णी आणि त्यांच्यासोबत त्यांची पत्नी, मुलगा, मेहुणे आणि जावयासह कंपनीतील लोकांना अटक करण्यात आली होती. ज्या कायद्याअंतर्गत त्यांना अटक करण्यात आली होती, त्या कायद्यानुसार जास्तीत जास्त किती दिवस या आरोपींना न्यायालयात ठेवता येतं? हा निकष न्यायालयाने पाहिला. नेमून दिलेल्या काळापेक्षा अधिक काळ लोटल्यानंतर या सर्वांची जामिनावर सुटका करण्यात आली.
