मावळ लोकसभा महायुतीची समन्वय बैठक संपन्न
पुणे-आज मावळ लोकसभा मतदारसंघातील महायुतीच्या सर्व घटक पक्षांची समन्वय बैठक काळेवाडी येथे पार पडली. ह्या महाबैठकीस मार्गदर्शन करण्यासाठी अजितदादा पवार, चंद्रकांतदादा पाटील, उदय सामंत, अनिल पाटील, मावळ चे महायुती चे उमेदवार श्रीरंगअप्पा बारणे सर्व आमदार, पक्षाध्यक्ष व इतर मान्यवर उपस्थित होते. यावेळी महायुतीचे समन्वयक व भाजपा चे प्रदेश प्रवक्ते संदीप खर्डेकर यांनी उपमुख्यमंत्री ना. अजितदादा पवार यांना राष्ट्रीय स्वयंसेवक संघाचे द्वितीय सरसंघचालक प. पू. माधव सदाशिव ( गुरुजी ) गोळवलकर यांच्या चरित्रावर आधारित “नित्य प्रेरणा” हे पुस्तक भेट देऊन अजितदादा यांचा सत्कार केला. सदर पुस्तकाचे स्वरूप एक दिवस – एक पान – एक विचार असे असून यात श्री गुरुजींच्या विचारांचे संकलन आहे.अजितदादांनी आस्थेने पुस्तकाची माहिती घेतली.