पुणे- केवळ बाळासाहेब आंबेडकर यांच्या भूमिकेबद्दल शंका उपस्थित करण्यापेक्षा अजित दादा , एकनाथ शिंदे यांच्या भूमिकेवर शंका घ्या , प्रश्न उपस्थित करा , ते केवळ सत्ता मिळविण्यासाठी भाजपकडे गेलेत आम्ही मात्र वंचितांच्या शोषणाविरोधात मैदानात आहोत अशी स्पष्टोक्ती आज येथे वंचित बहुजन आघाडीचे उमेदवार वसंत मोरे यांनी दिली .
वंचित बहुजन आघाडीकडून त्यांना उमेदवारी जाहीर झाल्यावर आज त्यांनी वंचित आणि आपले कार्यकर्ते यांचासह जाऊन भारतरत्न बाबासाहेब आंबेडकर यांच्या पुतळ्याला पुष्पहार अर्पण केला . त्यानंतर माध्यमांशी बोलताना ते म्हणाले,’
२५ वर्षे मी ज्या पक्षात निष्ठेने राहिलो त्या पक्षात कार्यकर्त्यांना न्याय मिळेनासा झाल्यावर मी त्या पक्षातून बाहेर पडलो
भाजपच्या विरोधात जे जे पक्ष आहेत त्यांच्याशी चर्चा करत त्यांची मोट बांधण्याचा मी प्रयत्न करत होतो.
माझी लढाई देशाच्या संविधानाच्या विरोधात जे आहेत त्यांच्याविरोधात आहे.
मला वंचित ने उमेदवारी जाहीर करताक्षणी दीड लाख मतदान माझ्या म्हणजे वसंत मोरेच्या सोबत आले आहे.
