;शिवसेना महिला आघाडी पदाधिकाऱ्यांसोबत उपसभापती तथा शिवसेना नेत्या डॉ. नीलम गोऱ्हे यांनी साधला संवाद
सातारा : आगामी लोकसभा निवडणुकीच्या पार्श्वभूमीवर शिवसेना महिला आघाडी पदाधिकाऱ्यांसोबत सातारा येथे शिवदुर्गा मेळावा आयोजित करण्यात आला. याद्वारे महिलांचे मतदानामध्ये अधिक सहभाग वाढावा, महायुतीच्या उमेदवारांना अधिकाधिक मतदान मिळावं यासाठी महिला शिवसैनिकांनी कशा प्रकारे प्रचार केला पाहिजे याबाबत मार्गदर्शन करण्यात आले, तसेच शिवसेना महिला आघाडीच्या पदाधिकाऱ्यांना विविध योजना राबवत असताना ज्या अडचणी येत असतात त्यातून सरकार त्यांच्या पाठीशी आहे याचा संदेश जावा म्हणून ‘शिवदुर्गा संवाद दौरा’ आयोजित करण्यात आला असल्याचे उपसभापती तथा शिवसेना नेत्या डॉ. नीलम गोऱ्हे यांनी सांगितले.
आज सातारा येथे शिवसेना महिला आघाडी सोबत डॉ. गोऱ्हे यांनी संवाद साधला. याप्रसंगी, संपर्क प्रमुख शारदाताई जाधव, शीतल कचरे, सुलोचना पवार, संगीता पवार, विद्या शिंदे, विमल सुपाणेकर, शोभा जैन, वनिता जाधव, मेघा चोरगे, सुजाता सपकाळ, नीता लोंढे, श्वेता वाघमारे, कल्पना पवार, सुजाता गायकवाड यांसह सातारा जिल्हा व तालुका माण-खटाव फलटण, कराड, वाई, महाबळेश्वर, खंडाळा, पांचगणी, पाटण येथील शिवसेना महिला पदाधिकारी उपस्थित होत्या.
