पुणे-मी लोकसभा निवडणूक लढवावी, असा अनेक कार्यकर्त्यांचा आग्रह आहे. खास करून मला पुण्यातून लढण्याचा आग्रह होतोय. त्याचबरोबर सातारा आणि माढ्यातूनही कार्यकर्ते आग्रह करत आहेत. परंतु मी माझ्या राजकीय आयुष्यात एकूण १४ निवडणुका लढलो आणि जिंकलो, आणखी किती निवडणुका लढवणार…? असा प्रश्न उपस्थित करत तसेही मी यापूर्वीच आता लोकसभा निवडणूक लढणार नसल्याची घोषणा केलेली आहे, असे शरद पवार यांनी आज येथे म्हटले आहे. शरद पवार यांनी पुण्यातील मोदीबागेत त्यांच्या निवासस्थानी पत्रकारांनी अनौपचारिक गप्पा मारल्या. यावेळी लोकसभेचं जागावाटप, मतदारसंघांचं गणित, वेगवेगळी राजकीय समीकरणे, राष्ट्रवादी पक्ष आणि चिन्हासंदर्भात सर्वोच्च न्यायालयाच्या सूचना आदी विषयांवर शरद पवार यांनी आपली मतं मांडली.
पुण्यातील लोकसभा जागेसाठीभाजपने माजी महापौर मुरलीधर मोहोळ यांना उमेदवारीही जाहीर केलीय. ते प्रचारही करत आहेत. त्यांच्याविरोधात महाविकास आघाडीचा उमेदवार कोण राहणार, याबाबत काँग्रेस कडून धंगेकर ,बागुल, जोशी ,शिंदे अशी अनेक नावे समोर येत आहेत. महाविकास आघाडीत ही जागा काँग्रेसच्या वाट्याला आहे. येथून मीच निवडणुकीच्या रिंगणात उतरावे, अशी आग्रही भूमिका कार्यकर्त्यांनी घेतल्याची माहिती खुद्द राष्ट्रवादी काँग्रेसचे प्रमुख शरद पवार यांनी पत्रकारांशी बोलताना दिली आहे. शरद पवार हे मंगळवारी मोदीबाग येथील निवासस्थानी होते. त्या ठिकाणी राष्ट्रवादी काँग्रेसचे अनेक पदाधिकारी व कार्यकर्ते त्यांना भेटले आहेत. आगामी लोकसभा निवडणुकीच्या तयारीबाबतही चर्चा झालेली आहे. ठाकरे गटाच्या प्रवक्ता व उपनेत्या सुषमा अंधारे, शिवसंग्राम पक्षाच्या प्रमुख ज्योती मेटे यांनीही शरद पवार यांची भेट घेतली आहे.
पुण्यातून लढा असा मला आग्रह..खुद्द शरद पवार म्हणाले…
Date:
More like thisRelated
अतिउच्चदाब उपकेंद्रात पुन्हा बिघाड,भोसरी व पिंपरीतील वीजपुरवठ्यावर परिणाम
महावितरणकडून वीज ग्राहकांना सहकार्याचे आवाहन
पुणे : महापारेषण कंपनीच्या २२० के.व्ही. भोसरी अतिउच्चदाब उपकेंद्रातील ८० एमव्हीए (MVA) क्षमतेच्या अतिउच्चदाब रोहित्रामध्ये रविवारी (दि.१५) रात्री ११.१० वाजेच्या सुमारास अंतर्गत बिघाड झाला आहे. परिणामी या अतिउच्चदाब रोहित्रावर अवलंबून असलेला ८० एमव्हीएचा वीजभार बाधित झाला असून भोसरी व पिंपरी विभागातील वीज ग्राहकांवर त्याचा परिणाम होणार आहे. त्यामुळे महावितरणने या भागातील वीजग्राहकांना सहकार्याचे आवाहन केले आहे.
बाधित भागाची नावे-
• एस ब्लॉक
• जे ब्लॉक
• डी २ ब्लॉक
• एफ २ ब्लॉक
• टी ब्लॉक
• इंद्रायणीनगर
• भोसरीगाव
• जलवायू विहार
• गंधर्व नगरी
• सेक्टर ६,४
• नेहरू नगर
• संत तुकाराम नगर
• दापोडी
• कासारवाडी
पर्यायी व्यवस्थेसाठी युद्धपातळीवर प्रयत्न
दि. ०२ फेब्रुवारी,२०२६ महापारेषण कंपनीच्या याच २२० के.व्ही. भोसरी अतिउच्चदाब उपकेंद्रातील ८० एमव्हीए (MVA) क्षमतेच्या अतिउच्चदाब रोहित्र अंतर्गत बिघाड झाला होता. त्यावेळी देखील महावितरणच्या भोसरी व पिंपरी विभागामार्फत पर्यायी व्यवस्थेच्या माध्यमातून वीजपुरवठा सुरळीत करण्यासाठी युद्धपातळीवर प्रयत्न करण्यात आले होते.
सद्यस्थितीत देखील महावितरणच्या भोसरी व पिंपरी विभागामार्फत पर्यायी व्यवस्थेच्या माध्यमातून वीजपुरवठा सुरळीत करण्यासाठी युद्धपातळीवर प्रयत्न सुरुच आहेत. दिवसभरात इतर वीजवाहिन्यांवर अतिरिक्त भार टाकून वीजपुरवठा सुरु करण्यात यश आले. परंतु, अतिरिक्त भारामुळे वीजपुरवठ्यात व्यत्यय येऊ शकतो. त्यावरही महावितरणकडून त्वरित उपाय योजना करण्यात येईल.
वीज ग्राहकांना सहकार्याचे आवाहन
अचानक उद्भवलेल्या या वीज संकटावर मात करण्यासाठी महावितरणचे प्रयत्न युद्धपातळीवर सुरू आहेत. अशावेळी वीज ग्राहकांनीही महावितरणला सहकार्य करावे, विजेचा वापर काटकसरीने करावा असे आवाहन महावितरण प्रशासनातर्फे करण्यात आले आहे.
बाणेर-बालेवाडी-सुस-म्हाळुंगे-पाषाण-सुतारवाडी-सोमेश्वरवाडी परिसरातील विविध विकासकामे तातडीने मार्गी लावा
पुणे - प्रभाग क्र.०९ बाणेर-बालेवाडी-सुस-म्हाळुंगे-पाषाण-सुतारवाडी-सोमेश्वरवाडी परिसरातील विविध विकासकामे तातडीने...
माझी जीभ कापायची असेल तर खुशाल कापा पण भाजपाला एक्सपोज करणे मी थांबणार नाही: हर्षवर्धन सपकाळ
देशातील ज्वलंत प्रश्नावरून जनतेचे लक्ष दुसरीकडे वळवण्यासाठी टिपू सुलतानच्या...
टिपू सुलतानांचे वंशज भाजपमध्ये गेल्यास त्यांनाही पदे दिली जातील:हर्षवर्धन सपकाळांचा पलटवार
सावरकरांच्या सहा सोनेरी पाने, या पुस्तकाचाही उल्लेख
संविधानातच टिपू...