पुणे, दि. २७ : कृषी आयुक्तालयाच्या अधिनस्त कृषी संचालक आत्मा पुणे यांच्या कार्यालयातील राज्य स्तरावर राज्य समन्वयक हे कंत्राटी पद दरमहा ५० हजार रुपये मानधनावर भरण्यासाठी पात्र उमेदवारांनी ४ मार्च पर्यंत अर्ज करण्याचे आवाहन करण्यात आले आहे.
राज्य समन्वयक पदासाठी आवश्यक अटी व शर्ती, अर्जाचा नमुना व शैक्षणिक अर्हता कृषी तंत्रज्ञान व्यवस्थापन यंत्रणा (आत्मा) योजनेच्या http://atmamaharashtra.com/job या संकेतस्थळावर उपलब्ध आहे. पात्र उमेदवारांनी ४ मार्च पर्यंत कृषी संचालक आत्मा, महाराष्ट्र राज्य, साखर संकुल, दुसरा मजला, शिवाजीनगर पुणे-४११००५ या पत्त्यावर अर्ज सादर करावेत, असे कृषी तंत्रज्ञान व्यवस्थापन यंत्रणेचे (आत्मा) कृषी संचालक दशरथ तांभाळे यांनी कळविले आहे.
