पुणे – शालिनी फाउंडेशन तर्फे महाराष्ट्र रत्न गौरव पुरस्कार सोहळ्याचे आयोजन करण्यात आले असून प्राध्यापक प्रभात रंजन, कुलगुरू डी वाय पाटील आंतरराष्ट्रीय विद्यापीठ, डेटा सायन्स आणि कृत्रिम बुद्धिमत्ता तज्ञ डॉ. संजीव चौबे, पोलीस महानिरीक्षक जे डी सुपेकर, भाजपा महाराष्ट्र प्रवक्त्या श्वेता शालिनी, बिग बॉस विजेता शिव ठाकरे, क्रिकेटपटू सलील अंकोला आणि अशा विविध क्षेत्रातील उल्लेखनीय कार्य करणाऱ्या व्यक्तींना प्रसिद्ध उद्योजक आणि चित्रपट निर्माता अनिर्बन सरकार यांच्या हस्ते २५ फेब्रुवारी रोजी रॉयल कॅनॉट बोट क्लब येथे सायं. ६ वा. महाराष्ट्र रत्न गौरव पुरस्काराने गौरविण्यात येणार असल्याचे फाउंडेशनचे संस्थापक आणि आयोजक विशाल गोरे यांनी पत्रकार परिषदेत सांगितले. या वेळी अंबिका सेवा केंद्राचे अध्यक्ष शैलेश चौबे, शालिनी फाउंडेशनचे संचालक आनंद केशव आणि खजिनदार सृष्टी कुमार उपस्थित होते.
यंदा सोहळ्याचे ३रे वर्ष असून या आधी शालिनी फाउंडेशन तर्फे अतिरिक्त पोलीस महासंचालक कृष्ण प्रकाश, एसीपी नीलिमा जाधव, अभिनेता सुनील शेट्टी, सुरेश विश्वकर्मा, प्रवीण तरडे, मानसी नाईक, संजय खापरे, गायक उत्कर्ष शिंदे, आनंद शिंदे, कलात्मक हस्ताक्षरासाठी लक्ष्मण बावनकुळे आदीना पुरस्काराने सन्मानित करण्यात आल्याचे गोरे यांनी पत्रकार परिषदेत सांगितले.
