पुणे :केंद्रीय मंत्री नितीन गडकरी यांच्या मताचा विचार करून भाजपच्या नेतृत्वाने राज्यसभेवर मेधा कुलकर्णी यांना संधी दिल्याने आता पुणे लोकसभेच्या इच्छुकांच्या वर्तुळात अमुलाग्र बदल होत आहेत,माजी महापौर मुरलीधर मोहोळ, माजी आमदार जगदीश मुळीक आणि खुद्द दिल्लीतून थेट आले अशी ज्यांची वल्गना होत होती ते सुनील देवधर यांची नावे आता मागे पडलीत. इच्छूकांनी आता बदलत्या समीकरणानुसार आपले डावपेच आखण्यास सुरूवात केली आहे. उपमुख्यमंत्री देवेंद्र फडणवीस यांच्या गोटातले आणि मर्जीत असलेले माजी खासदार संजय काकडे यांचे आता इच्छूकांच्या स्पर्धेत नाव पुढे आले आहे. भाजपच्या नेतृत्वाला देखील पुण्याच्या महापालिकेची सत्ता अबाधित राखणाऱ्या नेत्याची निकड काकडे पूर्ण करू शकतील असा विश्वास भाजपच्या नेत्यांना असल्याने त्यांची इच्छुकांमधील गणना वरच्या क्रमांकावर होऊ लागली आहे.लोकसभा क्षेत्रातील सर्वच विधानसभा मतदार संघातून भाजपने संजय काकडेना उमेदवारी दिली तर कॉंग्रेसच्या कडून कोणताही उमेदवार असला तरी त्याचा पराभव निश्चित होईल असेही अनेकांना वाटते आहे.
कसब्याचा बालेकिल्ला हरल्यानं आणि गिरीश बापट यांच्या निधनामुळे आता भाजपच्या नेत्यांना पुण्याबाबत योग्य निर्णय घ्यावा लागणार आहे. महापालिकेत ७ वर्षे सत्ता होती काकडेंनी पुणे महापालिकेत भाजपची सत्ता आणण्यामध्ये मोलाची भूमिका बजावली होती याशिवाय अनेक पक्षांमधील नगरसेवकांना भाजपमध्ये आणून मोठे बहुमत पक्षाला मिळवून देण्यामागे काकडेंचा सिंहाचा वाटा होता . संजय काकडे गेली 10वर्ष राज्यातील भाजपची राजकीय रणनीती ठरवण्यामध्ये आघाडीवर होते.पुणे लोकसभा मतदार संघात त्यांनी भाजपचे दीड लाख सभासद केले आहेत.बापटांना निवडून आणण्यात त्यांचा मोठा वाटा होता .या शिवाय देखील काकडेंनी 2019 च्या विधानसभा निवडणुकीत केलेल्या राजकीय खेळींचा भाजपला फायदा झाला होता.आणि सहा पैकी पाच विधानसभा मतदार संघात भाजपचे उमेदवार निवडून आले पुणे कॉन्टेंमेंट, शिवाजीनगर,आणि कोथरूड या प्रमुख मतदार संघांमध्ये त्यांनी ऐनवेळी काँग्रेसचे काही नेते भाजपकडे वळवले होते. त्यामुळे भाजपचे आमदार येथे निर्धोकपणे निवडून येऊ शकले. याशिवाय उपमुख्यमंत्री फडणवीस यांच्या मर्जीतील असल्यामुळे त्यांना सहजपणे उमेदवारी मिळेल अशी आशा अनेकांना वाटत आहे.
पुणे शहरातील लोकसभेची निवडणूक ही काँग्रेस विरूद्ध भाजप अशीच होणार आहे. त्यामुळे जर काकडे रिंगणात असतील तर, काँग्रेसमधील नाराज गट काकडेंच्या मदतीला येऊ शकतो असेही काही राजकीय समीक्षकांना वाटत आहे. 2014 मध्येदेखील राज्यसभा निवडणुकीत अपक्ष आमदारांना गोळा करत निवडून जाण्याचा मोठा चमत्कार काकडेंनी केलेला होता. त्यामुळे जर पुण्यातून काकडेंना संधी मिळाल्यास काकडे आणखीन काहीतरी वेगळी राजकीय गणिते पुणे शहरासाठी येत्या विधानसभा निवडणुकीत मांडतील असेही वाटत आहे.महापालिकेतील सत्तेच्या काळात ७ वर्षे जे पदाधिकारी होते त्यांना कसब्याप्रमाणे लोकसभेलाही उमेदवारी देऊन पक्ष नेतृत्व रिस्क घेणार नाही असाही राजकीय समीक्षकांचा अंदाज आहे
काकडे हे सर्व धर्मियांत उठबस असणारेच नव्हे तर चांगले संबध प्रस्थापित केलेले नेते मानले जातात , पी ए इनामदार असतील बाबा आढाव असतील मराठा , बहुजन , सवर्ण अशा सर्व समाजातील नेते कार्यकर्ते यांना धरून त्यांनी आपली राजकीय वाटचाल ठेवली आहे . हेही त्यांच्या पथ्यावर पडू शकणार आहे. निवडून येण्याची क्षमता हा निकष लावला तर काकडे यांचेच नाव सर्वात पुढे असणार आहे.
