पुणे- दिवाळी झालेली,भाऊ बीजेचा दिवस..घरातील आवराआवर,सणासुदीत कामाची धांदल अन तिच्याकडून चक्क मूल्यवान वस्तू असलेली बॅग विसरली,सणाच्या आनंदाची चेहऱ्यावरील छबी क्षणार्धात हरवलीती बिचारी रडकुंडीला आली .काय करावे तिला कळेनासे झाले,झालेल्या घटनेचा भार घरात ऐन सणात कुणा वर पडेल.या विअचाराने तिच्या मनात काहूर केलं होतं.अखेरीस ती रडतरडत धनकवडी पोलीस चौकीत आली.
पोलिसांनी सांगितले कि,चेहऱ्यावर न थांबता ओघळणारे अश्रू घेऊन आलेल्या या महिलेने चौकीत येऊन सांगितले की मोहननगर आंब्याचे झाड ते धनकवडी लास्ट बस स्टॉप असा रिक्षा प्रवास केला असताना माझी बॅग रिक्षातच राहिली असून या बॅगेमध्ये पाच हजार रुपये व दीड तोळ्याचा गंठण आहे.या महिलेचा रडवेला अवतार पाहून क्षणात अन्य प्रोसिजारच्या मागे न लागता धनकवडी बीट मार्शल यांनी आहेरांच्या घरापुढच्या लक्ष्मी ज्वेलर्स तसेच पोलीस स्टेशन येथे येऊन धनकवडी लास्ट बस स्टॉप येथील सीसी टीव्ही कॅमेरे चेक करून रिक्षाचा शोध घेतला. आणि त्या रिक्षा चालकास धनकवडी चौकीत बोलावून सदर महिलेची बॅग तसेच रोख रक्कम व सोन्याचा गंठण या महिलेच्या ताब्यात तातडीने देण्यात आली..विसरलेली मूल्यवान वस्तूची बॅग,शिवाय त्यात रोकड असलेली ती परत मिळेल कि नाही याची शास्वती नसल्याने अपार दुखः घेऊन आलेल्या या महिलेच्या चेहऱ्यावर पोलिसांच्या या कामगिरीने भाऊबीजेची भेट मिळाल्याचे समाधान झळकत होते.सहकारनगर पोलीस ठाण्यातील धनकवडीचे मार्शल पोलीस शिपाई सचिन वसंत येनपुरे ब नं 9831 आणि पोलीस शिपाई सुभाष रामचंद्र घाडगे 10546 यांनी दाखविलेल्या तत्परतेने सामान्य माणसाच्या मनातील पोलिसांची प्रतिमा निश्चित उजळणार आहे.
