वेश्याव्यवसायतुन ०४ मुलींची सुटका, ०३ पुरुष आरोपीस अटक
पुणे- नऱ्हे येथील “स्वर्ग एक्झीकेटीव्ह पॅराडाईज लॉज’वर छापा टाऊन पोलिसांनी वेश्याव्यवसायतुन ०४ मुलींची सुटका करून ०३ पुरुष आरोपीना अटक केली आहे.
पोलिसांनी दिलेल्या माहितीनुसार ,’दिनांक ०४/०४/२०२६ रोजी अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर यांना मिळालेल्या गोपनीय माहितीवरून “स्वर्ग एक्झीकेटीव्ह पॅराडाईज लॉज”, दुसरा मजला रुम नं १०१, न-हे गाव झिल कॉलेज जवळ न-हे गाव पुणे येथे लॉजमध्ये महिलांकडुन वेश्याव्यवसाय करुन घेत असले बाबत गोपनिय बातमी प्राप्त झाली. या बाबत पोलीस निरीक्षक छगन कापसे, अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर यांचे मार्गदर्शनाखाली तात्काळ बातमीची पडताळणी करुन बनावट ग्राहक याचे साहयाने सदर बातमीची खात्री करुन “स्वर्ग एक्झीकेटीव्ह पॅराडाईज लॉज” येथे अचानक छापा टाकुन आरोपी १) अभिषेक दिलीप गवळी वय २४ वर्षे रा. खेड शिवापुर २) रामु सांडु देवकर वय २४ वर्षे रा. सिंहगड पुणे ३) महेश गणेश नागने वय ३४ वर्षे रा. न-हे गाव पुणे यांनी वेश्याव्यवसायासाठी “स्वर्ग एक्झीकेटीव्ह पॅराडाईज लॉज”, मध्ये आणलेल्या ०४ पिडीत महिलांची सुटका करण्यात आली. या प्रकरणी वरिल आरोपीं विरुध्द दि.०५/०४/२०२६ रोजी न-हे पोलीस स्टेशन पुणे येथे गु.रं.नं. ०५/२०२६ भा.न्या. सं १४३ (१) (३), ३ (५) अनैतिक मानवी वाहतूक व्यापार प्रतिबंध अधिनियम १९५६ चे कलम ३,४,५, प्रमाणे गुन्हा नोंद करुन सदर आरोपींना अटक करण्यात आली आहे.
सदरची कारवाई ही अपर पोलीस आयुक्त, गुन्हे पुणे शहर पंकज देशमुख, पोलीस उप-आयुक्त, गुन्हे, पुणे शहर निखील पिंगळे, सहा पोलीस आयुक्त, गुन्हे. ३ पुणे शहर शंकर खटके यांचे मार्गदर्शनाखाली अनैतिक मानवी वाहतुक व व्यापार प्रतिबंध कक्ष, गुन्हे शाखा पुणे शहर पोलीस निरीक्षक छगन कापसे यांचे सुचनांप्रमाणे पोलीस अंमलदार ईश्वर आंधळे, तुषार भिवरकर, बबनराव केदार, अमय रसाळ, किशोर भुजबळ, महिला पोलीस अंमलदार रेश्मा कंक व वैशाली इंगळे यांनी केली आहे.
