पिंपळे निलख येथिल अनधिकृत RMC प्लॅन्टमुळे नागरिकांचे आरोग्य धोक्यात – रविराज काळे.

पुणे- पिंपळे निलख येथील CNG पंपच्या मागे असणाऱ्या ग्रेस्टोंन इन्फ्रा व कार्निवल इन्फ्रा या दोन अनधिकृत RMC प्लॅनटमुळे मोठ्या प्रमाणावर हवा प्रदूषण व रस्त्यावर मोठ्या प्रमाणावर धुळीचे साम्राज्य पसरलेले आहे. पिंपळे निलख परिसरामध्ये या अनधिकृत RMC प्लॅन्ट मधून बराचसा धुर निघतो आणि त्यामुळे मोठ्या प्रमाणावर हवा प्रदूषण होत आहे. बाजूलाच एक अकॅडमी , कलमाडी शाळेचे खेळाचे मैदान,गार्डन, अनेक सोसायट्या, CNG पंप आहे त्यामुळे या ठिकाणी नागरिकांची मोठ्या प्रमाणावर वर्दळ असते. गार्डनमध्ये लहान मुले. हे खेळण्यासाठी व जेष्ठ नागरिक व्यायामासाठी व विरंगुळ्यासाठी गार्डनमधे येतात. बाजूलाच अॅकडमी असल्याने अनेक खेळाडू आणि लहान मुले खेळण्यासाठी येत आहेत, श्वसनाचे आजार मोठ्या प्रमाणावर होऊ शकतात. CNG पंपच्या मागे चालू असणारे RMC प्लॅन्ट अनधिकृत असल्याचे पिंपरी चिंचवड महानगरपालिका पर्यावरण विभागास पत्राद्वारे कळवून पिंपरी चिंचवड महानगरपालिकेच्या पर्यावरण विभाने सिल लावलेले असतानाही RMC चालकाने सिल तोडून पुन्हा प्लॅन्ट चालू केला.तरी देखिल पिंपरी चिंचवड महानगरपालिका पर्यावरण विभाग गुन्हा दाखल करण्यास तयार नाही.तरी सुदधा पिंपरी चिंचवड महानगरपालिका पर्यावरण विभागाने कारवाई केली नाही.आता महाराष्ट्र प्रदुषण नियंत्रण मंडळाने महावितरण विभागास विद्युत प्रवाह रोखण्यासाठी पत्राद्वारे कळवण्यात आले आहे. असे आपचे शहराध्यक्ष रविराज काळे यांनी सांगितले.