पुणे -पुणे महापालिकेतील अतिरिक्त आयुक्त इस्टेट पृथ्वीराज बी.पी. यांची बदली झाल्यावर त्यांच्या जागेवर आता तरी महापालिकेतील अधिकाऱ्याची अतिरिक्त आयुक्त म्हणून नियुक्ती करा अशी मागणी माजी विरोधी पक्षनेते उज्ज्वल केसकर,सुहास कुलकर्णी,माजी नगरसेवक प्रशांत बधे यांनी केली आहे.
ते म्हणाले,’महानगरपालिकेमध्ये महानगरपालिका सेवेतून एक अतिरिक्त आयुक्त पदाची नेमणूक करण्याची तरतूद आहे.पुणे महानगरपालिकेमध्ये तीन अतिरिक्त आयुक्त यांच्या जागा आहेत.दोन अतिरिक्त आयुक्त हे राज्य शासनाकडून नेमणुकीला प्रतिनियुक्तीवर येतात.
एक अतिरिक्त आयुक्त पुणे महानगरपालिकेच्या सेवेतून भरला जातो यापूर्वी ज्ञानेश्वर मोळक, सुरेश जगताप हे यापूर्वी अतिरिक्त आयुक्त म्हणून कार्यरत होते.मागच्या वेळेला पुणे महानगरपालिकेकडून तीन नावे गेली होती परंतु शासनाने ती मान्य केली नाही आणि ओमप्रकाश दिवटे साहेब यांची नियुक्ती केली.कालच अतिरिक्त आयुक्त इस्टेट पृथ्वीराज बी.पी. यांची बदली केली आहे, यामुळे आम्ही आयुक्त आणि राज्य शासनाला विनंती केली आहे की आता रिक्त असणाऱ्या पुणे महानगरपालिकेतील या पदावर अधिकारी पात्र असतील त्यांची नेमणूक करावी.
