पुणे- महापालिकेच्या प्रभाग क्र. ३०, कर्वेनगर-हिंगणे होम कॉलनी मधील कुलकर्णी हॉस्पिटलनजीक असणाऱ्या स्मिता हाईट्स या ठिकाणी रस्त्याच्या कामाचा भूमिपूजन सोहळा काल संपन्न झाला.तर कॅनॉल रोड परिसरातील लेन नं. ३ या ठिकाणी पिण्याच्या ६ इंची २०० मीटर पाईपलाईन टाकण्याच्या कामास प्रारंभ झाला .
कुलकर्णी हॉस्पिटलनजीक असणाऱ्या स्मिता हाईट्स या ठिकाणी रस्त्याची अवस्था दयनीय बनल्याने नागरिकांना गैरसोयीचा सामना करावा लागत होता. या अनुषंगाने नगरसेवक स्वनिल दुधाने यांनी वेळो वेळी पाठपुरावा केला आणि काल या कामाचा भूमिपूजन सोहळा संपन्न झाला.या सोहळ्यानंतर त्वरित कामाचा प्रारंभ करण्यात आला आहे असून यामुळे अत्यंत वेगाने सदर काम पूर्णत्वास जाईल, असा विश्वास नगरसेवक दुधाने यांनी व्यक्त केला आहे. याप्रसंगी . विजय खळदकर, संगीताताई बराटे, निवेदिताताई जोशी, शैलेश जोशी यांच्यासह अन्य नागरिक मोठ्या संख्येने उपस्थित होते.
या कामाचा शुभारंभ करण्यात आल्याने नागरिकांतून संतोष व्यक्त होत आहे . नागरिकांच्या सूचना आणि मार्गदर्शन यांचे सदैव स्वागत असेल, असा शब्द यावेळी नगरसेवक दुधाने यांनी दिला आहे.
तर कॅनॉल रोड परिसरातील लेन नं. ३ या ठिकाणी पिण्याचे पाणी गाळमिश्रित आणि दूषित येत असल्याची तक्रार होती. या ठिकाणी पुणे महापालिकेच्या अधिकार्यांना बोलावून नगसेवक दुधाने यांनी भेट दिली असता पाणी पाईपलाईन खराब झाल्याचे निदर्शनास आले.या अनुषंगाने त्यांनी तेथील पिण्याची पाईपलाईन बदलण्याची मागणी केली आणि वेळोवेळी पाठपुरावा करत ६ इंची २०० मीटर पाईपलाईन उपलब्ध करवून घेतली आज या कामाचा भूमिपूजन सोहळा संपन्न झाला. याप्रसंगी नागरिकांच्या सर्व सूचनांचे स्वागत केले.आणि लवकरच नवीन पाईपलाईनमधून नागरिकांना जोडणी देण्यात येतील असे स्पष्ट करण्यात आले यावेळी केदार मारणे आणि अन्य नागरिक यांची उपस्थिती होती.
