नाशिक-येथील बलात्कार प्रकरणात अटकेत असलेल्या अशोक खरात उर्फ ‘कॅप्टन’ याच्या संपत्तीची चौकशी सुरू असून, तपासात त्याच्याकडे कोट्यवधींची मालमत्ता असल्याचे उघड झाले आहे. घर व फार्महाऊस झडतीत पिस्तूल, काडतुसे आणि रोकड सापडली. नाशिक, सिन्नर व इतर ठिकाणी मोठ्या प्रमाणात जमिनी, फार्महाऊस व मालमत्ता आढळली. अंकशास्त्राच्या माध्यमातून प्रभाव निर्माण करत सुमारे २०० कोटींची संपत्ती जमवल्याचा अंदाज आहे. SIT तपास सुरू आहे.
भोंदुबाबा अशोक खरातच्या आतापर्यंत बाहेर आलेल्या संपत्तीचा तपशील
🔸 अंदाजे 150 कोटी रुपये बाजारमूल्य असलेली नाशिकमधील पाथर्डी येथे 30 एकर जमीन
🔸2 कोटींवर किंमत असलेली सिन्नर तालुक्यातील कहांडळवाडी मीरगाव येथे 45 एकर जमीन
🔸30 कोटींहून अधिक बाजारभाव असलेले खरेदीखत, पत्नी आणि दोन मुलींच्या नावे पाथर्डी, गौळाणे शिवारात स्वतंत्र जमिनीचे खरेदीखत
🔸10 कोटींवर किंमत असलेलं सिन्नर तालुक्यातील मीरगाव येथे मंदिराच्या मागे भव्य फार्महाऊस
🔸 अंदाजे 2 कोटी रुपये इशान्येश्वर मंदिर ट्रस्टची वर्षाला उलाढाल
🔸अंदाजे 5 कोटीच्या ओझर विमानतळाजवळ, जानोरी, दहावा मैल भागात जमिनी
🔸 अंदाजे 5 कोटीचा कर्मयोगीनगरचा बंगला, तर कॅनडा कॉर्नरचे ऑफिस 1 कोटीचे
🔸याव्यतिरिक्त शिर्डी येथे अतिशय मोक्याच्या ठिकाणी शेतजमीन आहे. या जमिनीची किंमतही करोडोंमध्ये आहे.
