नाशिक – कॅप्टन अशोक खरात या स्वयंघोषित ज्योतिषाला आज नाशिक पोलिसांनी बलात्कार प्रकरणी अटक केली आहे. त्याला आज नाशिक जिल्हा न्यायालयात हजर केले जाईल. अशोक खरात हा स्वयंघोषित ज्योतिष असून राजकीय नेते, सेलिब्रिटी हे त्यांच्याकडे भविष्य जाणून घेण्यासाठी येत असतात. या भोंदू बाबाने एका महिलेला गुंगीचे औषध देऊन तिच्यावर अत्याचार केल्याची तक्रार प्राप्त झाल्यानंतर नाशिक पोलिसांनी अटकेची कारवाई केली आहे. राज्य महिला आयोगाच्या अध्यक्ष रुपाली चाकणकर यांच्याशी देखील अशोक खरात या भोंदू बाबाचा संपर्क असल्याचा आरोप शिवसेना (ठाकरे) उपनेत्या सुषमा अंधारे यांनी केला आहे.
पोलिसांनी त्याच्याकडून जप्त करण्यात आलेल्या पेन ड्राईव्हमध्ये 58 आक्षेपार्ह व्हिडिओ हस्तगत करण्यात आले.कॅप्टन अशोक खरात अध्यक्ष असलेल्या श्री शिवनिका संस्थान, मिरगाव या संस्थेच्या ट्रस्टमध्येही रुपाली चाकणकर यांचा समावेश आहे. यामुळे राज्य महिला आयोगाच्या छत्रछायेखाली हे सर्व सुरु असल्याचा आरोप सुषमा अंधारे यांनी केला आहे. अशोक खरात हा मर्चंट नेव्हीतून निवृत्त झाला आहे. तो स्वतःला अंकशास्त्रज्ञ असल्याची बतावणी करतो. राज्याचे उपमुख्यमंत्री एकनाथ शिंदे, मंत्री विखे पाटील, राज्य महिला आयोगाच्या अध्यक्ष रुपाली चाकणकर यांनी त्याच्या मिरगाव येथील मंदिरात भेट दिली आहे. रुपाली चाकणकर या तर त्याच्या मंदिर ट्रस्टमध्ये संचालक आहेत.
कॅप्टन अशोक खरात नावाच्या स्वयंघोषित ज्योतिषाला आज नाशिक पोलिसांनी अटक केली खरात याच्यावर बलात्कार योन शोषण यासारखे आरोप आहेत.
पोलिसांनी हस्तगत केलेल्या पेन ड्राईव्ह मधून 58 आक्षेपार्ह व्हिडिओ पोलिसांनी हस्तगत केल्याची माहिती समोर येत आहे.
हे उल्लेखनीय आहे की या स्वयंघोषित ज्योतिषाकडे अनेक राजकीय नेत्यांचा राबता होता. केसरकर तटकरे चाकणकर अशी काही राजकीय भक्तांची नावे यात घेतली जातात अनेक राजकीय नेत्यांनी या ज्योतिषाच्या सांगण्यावर वेगवेगळ्या पूजा करणे, स्वतःच्या हाताची करंगळी कापून घेणे असे अघोरी उद्योग सुद्धा केल्याचे लोक चर्चा करत आहेत.
