पुणे, १८ मार्च २०२६ : अवांते स्पेसेस लिमिटेड या किर्लोस्कर उद्योगसमुहातील कंपनीने आज पुण्याच्या ‘सेंट्रल बिझनेस डिस्ट्रिक्ट’मध्ये १७ लाख चौ. फूट क्षेत्रफळाचा उच्च दर्जाचा व्यावसायिक प्रकल्प उभारीत असल्याची घोषणा आज केली. या प्रकल्पाचे नाव ‘अवांते बिझनेस पार्क – कोथरूड’ असे असेल. व्यावसायिक रिअल इस्टेट क्षेत्रात कंपनीच्या विस्तारासाठी हा प्रकल्प एक महत्त्वाचा टप्पा आहे. पुण्यातील व्यावसायिक परिसराचा भविष्यातील विकास घडवण्याच्या उद्देशाला कंपनीच्या या प्रकल्पामुळे अधिक बळ मिळणार आहे.
हा प्रकल्प मोठ्या व्यावसायिक कॅम्पसच्या स्वरूपात विकसित केला जात आहे. कंपनीने जागेची निवडही धोरणात्मक पद्धतीने केली असून, देशी आणि आंतरराष्ट्रीय कंपन्यांना मध्यवर्ती ठिकाणी उत्तम कार्यालयीन सुविधा मिळाव्यात, हा त्यामागचा उद्देश आहे. या प्रकल्पातून कंपनीला सुमारे २०० कोटी रुपयांचे वार्षिक उत्पन्न अपेक्षित आहे.
तीन बेसमेंट, ग्राउंड फ्लोअर आणि त्यावर २० मजले (३बी+जी+२०) अशी या प्रकल्पाची रचना आहे. प्रत्येक मजल्यावर साधारण ८५,००० ते ९५,००० चौ. फूट इतकी भाड्याने देता येणारी जागा उपलब्ध असेल. तसेच, एकाच मजल्याचे चार भाग करता येतील. यामध्ये प्रत्येक भाग १३,००० ते ३०,००० चौ. फूट इतका असेल. त्यामुळे कंपन्यांना त्यांच्या गरजेनुसार जागा घेण्याची लवचिकता मिळेल.
प्रकल्पाभोवती भरपूर हिरवळ असणार असल्यामुळे आधुनिक सुविधा आणि नैसर्गिक वातावरण यांचा चांगला समतोल मिळेल. ग्लोबल कॅपॅबिलिटी सेंटर्स (जीसीसी), आयटी, बीएफएसआय, अभियांत्रिकी व उत्पादन क्षेत्रातील कंपन्या, तसेच को-वर्किंग आणि फ्लेक्सिबल स्पेस देणाऱ्या संस्थांसाठी आणि दीर्घकाळासाठी जागा शोधणाऱ्या मोठ्या कंपन्यांसाठी हा प्रकल्प योग्य ठरेल. प्रकल्प २०२७च्या मध्यापर्यंत पूर्ण होण्याची अपेक्षा आहे.
पुण्याच्या मध्यभागी असलेल्या या ‘अवांते बिझनेस पार्क’ला उत्तम कनेक्टिव्हिटी मिळणार आहे. कर्वे रस्त्यावरील स्वतंत्र बोगद्यामुळे, तसेच कर्वे रस्ता, कॅनॉल रस्ता आणि नव्याने बांधलेल्या डीपी रोडमार्गे येथे ये-जा करणे सोपे होईल. या प्रकल्पात सुमारे एक लाख चौ. फूट क्षेत्रात खाद्यपदार्थ व रिटेल या सुविधा असतील. यामध्ये ‘फूड कोर्ट’चाही समावेश आहे. याशिवाय बहुपयोगी प्रशिक्षण कक्ष, सामायिक बैठक कक्ष, व्यायामशाळा, पाळणाघर आणि क्लिनिक यांसारख्या सुविधा दिल्या जातील. प्रकल्पात मोकळी हिरवी जागा, झाडा-झुडपांची जागा आणि ‘ओपन एअर अॅम्फीथिएटर’ही असेल. त्यामुळे कामासाठी एक संपूर्ण, आरामदायी आणि उत्पादक वातावरण तयार होईल. त्यातून कर्मचाऱ्यांचे समाधान होऊन त्यांची कार्यक्षमता वाढेल.
या प्रकल्पाच्या डिझाइनमध्ये सुरुवातीपासूनच पर्यावरणपूरकता लक्षात घेण्यात आली आहे. हा प्रकल्प ‘आयजीबीसी प्लॅटिनम’ आणि ‘यूएसजीबीसी प्लॅटिनम’ या दर्जांसाठी प्री-सर्टिफाइड असून, ‘वेल प्रमाणपत्र’ मिळवण्याचे लक्ष्य त्यात ठेवण्यात आले आहे. यामुळे पर्यावरणाची काळजी आणि कर्मचाऱ्यांच्या आरोग्याचीही काळजी याबाबतची कंपनीची बांधिलकी दिसून येते. ऊर्जा कार्यक्षम अशी सेंट्रलाइज्ड एचव्हीएसी प्रणाली, उष्णता कमी राहील व नैसर्गिक प्रकाश जास्त मिळेल अशा पद्धतीने केलेले साधे फ्लोअर डिझाइन, उत्तम इनडोअर-आउटडोअर वातावरण आणि मोठ्या प्रमाणात हिरवी मोकळी जागा अशी या प्रकल्पाची महत्त्वाची वैशिष्ट्ये आहेत. यामुळे परिसरातील वातावरण संतुलित ठेवण्यास मदत होणार आहे.
या प्रकल्पाबाबत अधिक माहिती देताना ‘अवांते स्पेसेस लिमिटेड’चे मुख्य कार्यकारी अधिकारी दीपक पोरायथ म्हणाले, “अवांते स्पेसेसच्या वाढीच्या प्रवासात ‘अवांते बिझनेस पार्क – कोथरूड’ हा प्रकल्प एक महत्त्वाचा टप्पा आहे. मोठ्या शहरांमध्ये जागतिक कंपन्या आणि जीसीसी यांच्याकडून मोठ्या ऑफिस स्पेसची मागणी वाढत आहे. ही गरज लक्षात घेऊन, उच्च दर्जाची आणि पर्यावरणाची जबाबदारी जपणारी व्यावसायिक पायाभूत सुविधा उभारण्याची ही मोठी संधी आम्ही घेतली. पुण्यातील आमच्या पहिल्या प्रकल्प वन अवांते या प्रकल्पाच्या अनुभवाच्या आधारावर आम्ही हा पुढील प्रकल्प विकसित करीत आहोत. आमचे हे प्रकल्प किर्लोस्कर समुहाच्या मूल्यांशी आणि दीर्घकालीन दृष्टीकोनाशी सुसंगत असतील. तसेच, परिसरातील भरपूर हिरवळ जपून, संतुलित आणि शाश्वत वातावरण तयार करण्यावरही आमचा भर असेल.”
या प्रकल्पासाठी दीर्घकालीन भाडेपट्ट्याचे, म्हणजे लिजिंगचे धोरण अवलंबले जाणार आहे. शहरातील मध्यवर्ती भागात उच्च दर्जाच्या ऑफिस सुविधा शोधणाऱ्या मोठ्या आणि संस्थात्मक कंपन्यांवर याकरीता विशेष लक्ष दिले जाईल. प्रकल्पाच्या बांधकामाच्या काळात आणि तो सुरू झाल्यानंतरच्या कामकाजाच्या काळात मिळून सुमारे १५ हजार जणांना थेट आणि अप्रत्यक्ष रोजगार मिळण्याची अपेक्षा आहे.
‘अवांते बिझनेस पार्क – कोथरूड’ या प्रकल्पामुळे ‘अवांते स्पेसेस’ची प्रीमियम कमर्शियल रिअल इस्टेट क्षेत्रातील पकड अधिक मजबूत होईल. तसेच, मोठ्या प्रमाणावर वाढवता येणारे, पर्यावरणपूरक प्रकल्प उभारणीच्या कंपनीच्या धोरणाला आणखी बळ मिळेल.
