मुंबई: आंतरराष्ट्रीय महिला दिनाच्या निमित्ताने भारतातील खासगी क्षेत्रातील आघाडीची बँक असलेल्या येस बँकने ‘येस एसेन्स महिला सॅलरी अकाऊंट‘ लाँच करण्याची घोषणा केली आहे. नोकरी किंवा व्यवसाय करणाऱ्या महिलांच्या आर्थिक तसेच लाइफस्टाइलशी संबंधित गरजा पूर्ण करण्यासाठी डिझाइन केलेला एक व्यापक उपाय आहे. आर्थिक संरक्षण, प्रतिबंधात्मक आरोग्यसेवा, लाइफस्टाइलशी संबंधित गोष्टी आणि संपत्ती निर्मिती या सर्व फायद्यांचा समावेश असलेल्या विशेष सेवा या नवीन ऑफरमधून मिळतील.
भारत सरकारच्या कामगार आणि रोजगार मंत्रालयाच्या अहवालानुसार, 2017–18 आणि 2023–24 दरम्यान महिला रोजगारात लक्षणीय वाढ झाली आहे, ग्रामीण भारतात 96% तर शहरी भागातील महिला रोजगारात 43% वाढ झाली आहे. गेल्या सात वर्षांत 1.56 कोटींहून अधिक महिला नोकरी करू लागल्या आहेत. यामुळे अर्थातच एकूण आर्थिक वाढीमध्ये त्यांचा मजबूत सहभाग दिसतो.
ही सातत्यपूर्ण वाढ आरोग्य लाभांसह आर्थिक उपायांची गरज अधोरेखित करते. सातत्याने वाढ होत असलेल्या कार्यबलाशी सुसंगत राहून, येस एसेन्स महिला सॅलरी अकाउंट तीन महत्त्वाच्या सर्वसमावेशक स्तंभांवर लक्ष केंद्रित करेल:
· आर्थिक उपाय
o पहिल्या वर्षासाठी विशेष मोफत लॉकर सुविधा
o 3-इन-1 खात्यावर पहिल्या वर्षासाठी 100% डीमॅट एएमसी सूट
o पहिल्या वर्षी 34,000 येस रिवॉर्ड्ज मिळवण्याची आणि रिडीम करण्याची संधी
· आरोग्य सुरक्षा आणि निरोगीपणा
o वर्षासाठी 5 लाख रुपये सुपर टॉप-अप आरोग्य कव्हर मोफत
o वर्षातून एकदा वार्षिक प्रतिबंधात्मक आरोग्य तपासणी (घरी येऊन तसेच प्रयोगशाळेतही चाचणीची सुविधा)
o आमच्या भागीदाराने दिलेले 1 वर्षाचे मोफत सदस्यत्व, जे पालकत्व टूलकिट, स्त्रीरोगतज्ज्ञ, बालरोगतज्ज्ञ, मानसशास्त्रज्ञ, पोषणतज्ज्ञ आणि इतर तज्ज्ञांशी सल्लामसलत अशा आरोग्य सेवांची सुविधा देते.
· लाइफस्टाइल खास सुविधा
o युटिलिटीज, किराणा सामान, प्रवास आणि अन्य यासारख्या निवडक श्रेणींवर वार्षिक INR 6,000 पर्यंतच्या 5% कॅशबॅकसह पूरक एलिगन्स डेबिट कार्ड.
या लाँचबद्दल येस बँकेचे रिटेल लायबिलिटीज, फी आणि बिझनेस बँकिंगचे कंट्री हेड श्री. धीरज सांघी म्हणाले, “येस एसेन्स महिला सॅलरी अकाउंट‘द्वारे, आम्ही घराबाहेर पडून काम करणाऱ्या महिलांना पाठिंबा देतो. औपचारिक कामकाजात महिलांचा वाढता सहभाग हा भारताच्या विकासाच्या मार्गात एक गतिमान बदल दर्शवतो. व्यावसायिक आणि आर्थिक निर्णय घेण्यामध्ये अधिकाधिक महिला महत्त्वपूर्ण भूमिका बजावत असल्याने, एकात्मिक, संरक्षण-नेतृत्वाखालील बँकिंग उपायांची आवश्यकता अत्यंत गरजेची ठरते. हा क्युरेटेड सॅलरी अकाउंट म्हणजे महिलांच्या आरोग्य आणि कल्याणाला प्राधान्य देऊन त्यांच्या आर्थिक स्वातंत्र्याला सक्षम बनवणारा सर्वसमावेशक आर्थिक पर्याय तयार करण्याची आमची वचनबद्धता आहे.”
या नवीन योजनेसह, येस बँक सर्व ग्राहक वर्गासाठी अधिक समावेशक आर्थिक परिसंस्था तयार करण्यासाठी ग्राहक प्रथम दृष्टिकोन आणि डिजिटल सक्षम सेवांवर लक्ष केंद्रित करते.
