महापालिकांत सुमारे दीड लाख पदे रिक्त, सांगा विकास कसं होणार? माधुरी मिसाळ म्हणाल्या,’लवकरच भरती सुरू करू

महापालिकांत 1.4 लाख, नगर परिषद, नगरपंचायतीत 6 हजारांवर पदे रिक्त, ‘कार्यालयामध्ये अधिकारी-कर्मचारीच नाहीत
मुंबई-राज्यातील महानगरपालिका, नगर परिषद आणि नगरपंचायतींमधील रिक्त पदांचा प्रश्न आता गंभीर टप्प्यावर पोहोचला आहे. राज्यातील महानगरपालिकांमध्ये तब्बल १.४ लाख पदे रिक्त असून नगर परिषद आणि नगरपंचायतींमध्ये ६ हजारांहून अधिक पदे रिक्त असल्याचे धक्कादायक वास्तव समोर आले आहे.रिक्त पदांमुळे शहर विकासाची कामे ठप्प झाली असून नागरिकांना रोजच्या कामांसाठी अक्षरशः कार्यालयांचे उंबरठे झिजवावे लागत आहेत. हा मुद्दा सोमवारी राज्याच्या अधिवेशनातही जोरदारपणे गाजला.

विविध पक्षांच्या लोकप्रतिनिधींनी सरकारवर तिखट टीका करत सांगितले की, कार्यालयांमध्ये अधिकारी-कर्मचारीच नसल्याने नागरिकांची प्रचंड गैरसोय होत आहे. नगरविकासाशी संबंधित अनेक महत्त्वाची कामे बांधकाम परवाने, पाणीपुरवठा, स्वच्छता, मालमत्ता कर, जन्म-मृत्यू दाखले, विविध योजना यांसाठी नागरिकांना अनेक दिवस वाट पाहावी लागत आहे. कर्मचाऱ्यांच्या कमतरतेमुळे एकाच अधिकाऱ्याकडे अनेक विभागांची जबाबदारी दिली जात असल्याने कामांचा वेग मंदावला आहे, ही बाबही लोकप्रतिनिधींनी सभागृहात सरकारच्या निदर्शनास आणून दिली आहे.

रिक्त पदांबाबत अधिवेशनात उपस्थित केलेल्या मुद्द्यावर सरकारच्या वतीने मंत्री माधुरी मिसाळ यांनी लोकप्रतिनिधींची भूमिका लक्षात घेत, सकारात्मक पावले उचलण्याची ग्वाही दिली. प्रशासनाकडून लवकरच भरती प्रक्रिया सुरू करण्याचे आश्वासन मंत्री मिसाळ यांनी सभागृहात दिले. भरती प्रक्रियेचा प्रस्ताव सरकारकडे, टप्प्याटप्प्याने पदे भरण्याचा विचार, तात्पुरत्या उपाययोजनांवर भर दिला जात असल्याचेही त्यांनी सांगितले.
पदेच भरली जात नाहीत, मग विकास कसा होणार?

अर्थसंकल्पीय अधिवेशनात नगर परिषद, नगरपंचायती, महापालिकांतील रिक्त जागांच्या मुद्द्यावरून लोकप्रतिनिधी आक्रमक झाले होते. आमदार श्वेता महाले, नमिता मुंदडा आदी सदस्यांनी अधिवेशनात सरकारला थेट सवाल केला की, “पदे भरली नाहीत तर शहरांचा विकास कसा होणार?” अनेक वर्षांपासून भरती न झाल्याने परिस्थिती दिवसेंदिवस बिकट होत असल्याचे त्यांनी सांगितले. तसेच रिक्त पदे कधी भरणार आहात, असा थेट प्रश्न उपस्थित केला.

रिक्त पदांची आकडेवारी

नगर परिषद, नगरपंचायती स्थानिक कर्मचारी रिक्त पदे
गट क३,४७७
गट ड १,४५७
सफाई कामगार१,१९३
एकूण६,१२७

अधिवेशनात सरकारला सवाल, प्रशासकीय काम कोण करणार?
नगर परिषद ‌राज्य संवर्ग रिक्त पदे
गट क श्रेणी अ,ब,क २,३०८

गट क४६,०६६
गट ड४९,४०५
सफाई कामगार८,८६३
एकूण१,०४,३३४
रिक्त पदांच्या या आकडेवारीवर आमदार आक्रमक झाले आहेत.

जन्म-मृत्यू दाखल्यासाठी अनेक दिवसांची प्रतीक्षा बांधकाम परवान्यांना महिन्यांचा विलंब तक्रारींचे निराकरण होत नाही साफसफाईचा बोजवारा उडाला आहे. पाणीपुरवठ्याची गैरसोय आरोग्यसेवेचा उडतोय बोजवारा