पुणे : ६४व्या महाराष्ट्र राज्य संगीतसूर्य केशवराव भोसले संगीत नाट्य स्पर्धेच्या अंतिम फेरीत भरत नाट्य संशोधन मंदिराने सादर केलेल्या संगीत पद्माराणी या नाटकास सांघिक द्वितीय पारितोषिकासह एकूण ११ पारितोषिके मिळाली आहेत. राज्यस्तरीय स्पर्धेसाठीच या नाटकाची निर्मिती करण्यात आली आहे.
पंढरपूरच्या पांडुरंगाच्या दर्शनाला भक्तगण श्रद्धेने जातात. तेथे श्री विठ्ठल आणि रुक्मिणीची मंदिरे अलग अलग आहेत. इतरवेळा विठ्ठल-रखुमाईची एकत्र मूर्ती पहातो, पण मग पंढरपुरी असे का? सुप्रसिद्ध लेखिका दुर्गा भागवत यांनी याचा शोध घेतला आणि त्यांना माळशिरस-पंढरपूर प्रांतातील विठ्ठल-रखुमाईच्या ताटातुटीची विलक्षण लोककथा ऐकायला मिळाली. त्यांच्या ‘पैस’ या पुस्तकात ती आहे. त्या कथेवर आधारित हे नाटक आहे. स्पर्धेची अंतिम फेरी सांगली येथे आयोजित करण्यात आली होती.
भरत नाट्य संशोधन मंदिरात मिळालेली पारितोषिके : सर्वोकृष्ट नाटक : सांघिक द्वितीय : संगीत पद्माराणी.
सर्वोकृष्ट दिग्दर्शन : द्वितीय : संजय नरहर.
सर्वोकृष्ट लेखन : प्रथम : रमेश नाईक.
सर्वोकृष्ट संगीत : प्रथम : आशिष केसकर.
सर्वोकृष्ट नेपथ्य : प्रथम : विश्र्वास पांगारकर.
सर्वोकृष्ट गायन : रौप्यपदक : अजिंक्य कुलकर्णी.
सर्वोकृष्ट गायन : गुणवत्ता प्रमाणपत्र : ऐश्र्वर्या भोळे.
सर्वोकृष्ट गायन : गुणवत्ता प्रमाणपत्र : वज्रांग आफळे.
सर्वोकृष्ट अभिनय : गुणवत्ता प्रमाणपत्र : ऐश्र्वर्या भोळे.
सर्वोकृष्ट अभिनय : गुणवत्ता प्रमाणपत्र : कौशिक कुलकर्णी.
वैविध्यपूर्ण संगीत नाटकांची निर्मिती करणे हे भरत नाट्य संशोधन मंदिराचे वैशिष्ट्य आहे. यंदाच्या राज्यस्तरीय स्पर्धेसाठी संगीत पद्माराणी या नाटकाची निर्मिती करण्यात आली. स्पर्धेत कलाकार-तंत्रज्ञांनी केलेल्या उत्कृष्ट कामगिरीमुळे संघाला द्वितीय पारितोषिकासह एकूण ११ पारितोषिके मिळाली आहेत. सर्व कलाकारांचे अभिनंदन.
– पं. पांडुरंग मुखडे, अध्यक्ष, भरत नाट्य संशोधन मंदिर
