पुणे, 6 मार्च 2026
सीआरपीएफ स्थापना दिनाच्या निमित्ताने गट केंद्र, सीआरपीएफ, पुणे येथे सहस्थित सर्व संस्थांच्या सहकार्याने कॉम्पोझिट हॉस्पिटल (CH), पुणे येथे दोन दिवसीय रक्तदान शिबिराचे आज उद्घाटन करण्यात आले.
5FIL.jpeg)
या रक्तदान शिबिराला दलातील अधिकारी व जवानांकडून उत्स्फूर्त प्रतिसाद मिळाला. स्वयंप्रेरणेने रक्तदान करून मानवतेची सेवा करण्याचा संदेश या उपक्रमातून देण्यात आला.
शिबिराच्या उद्घाटन प्रसंगी श्री वैभव निंबाळकर, आयपीएस, उपमहानिरीक्षक (DIG), गट केंद्र, सीआरपीएफ, पुणे तसेच इतर वरिष्ठ अधिकाऱ्यांनी जवानांसह रक्तदान करून या सामाजिक कार्यात सक्रिय सहभाग नोंदविला.
या प्रसंगी बोलताना श्री वैभव निंबाळकर यांनी सांगितले की रक्तदान हे अत्यंत पवित्र व मानवतेच्या सेवेसाठीचे महान कार्य आहे आणि सीआरपीएफचे अधिकारी व जवान देशसेवेबरोबरच समाजसेवेतही नेहमीच पुढे असतात.

हे रक्तदान शिबीर उद्याही (शनिवारी) सुरू राहणार असून सुमारे 200 रक्तदात्यांकडून रक्त संकलन करण्याचे लक्ष्य ठेवण्यात आले आहे, ज्यामुळे स्थापना दिनाच्या उत्सवाला सेवाभावाची प्रेरणा मिळणार आहे.

