— राष्ट्रवादी काँग्रेस पार्टी चित्रपट व सांस्कृतिक विभाग, महाराष्ट्र प्रदेश
पुणे : जागतिक मराठी भाषा गौरव दिन (२७ फेब्रुवारी) निमित्त पुणे शहरातील गुडलक चौक येथे असलेल्या ऐतिहासिक ‘कलाकार कट्टा’वर राष्ट्रवादी काँग्रेस पार्टी चित्रपट व सांस्कृतिक विभागा चे प्रदेशाध्यक्ष बाबासाहेब पाटील यांच्या वतीने विविध सांस्कृतिक कार्यक्रमांचे आयोजन करण्यात आले.
बाबासाहेब पाटील म्हणाले कि,’ अलीकडे काही भाजप नगरसेवकांनी हा कलाकार कट्टा हटवण्याचा प्रयत्न केल्याच्या पार्श्वभूमीवर, मराठी भाषा, कला आणि संस्कृतीचे जतन व संवर्धन करण्याचा ठाम निर्धार व्यक्त करण्यासाठी हा कार्यक्रम आयोजित करण्यात आला. कलाकार कट्टा हा केवळ चित्रकारांचा नव्हे, तर महाराष्ट्रातील विविध क्षेत्रांतील कलाकार, लोककलावंत, साहित्यिक, तरुण-तरुणी आणि कला रसिक यांचा मुक्त अभिव्यक्तीचा मंच आहे. अनेक वर्षांपासून या ठिकाणी विविध कलाप्रकार सादर होत असून, पुण्याच्या सांस्कृतिक ओळखीचा तो अविभाज्य भाग बनला आहे.
आजच्या कार्यक्रमात राज्यभरातील लोककलावंत, गायक, वादक, नृत्यकलावंत, चित्रकार तसेच विविध कलाक्षेत्रातील मान्यवरांनी सहभाग घेतला. मराठी भाषेचा गौरव आणि सांस्कृतिक परंपरेचे जतन करण्याचा संदेश या कार्यक्रमातून देण्यात आला.
राष्ट्रवादी काँग्रेस पार्टी चित्रपट व सांस्कृतिक विभागाच्या वतीने स्पष्ट करण्यात आले की, कलाकार कट्टा हटवण्याचा कोणताही प्रयत्न सहन केला जाणार नाही. कला, संस्कृती आणि मराठी अस्मितेच्या रक्षणासाठी सर्व कलाकार आणि पुणेकर नागरिक एकजूट आहेत.
जागतिक मराठी भाषा गौरव दिनाचे औचित्य साधून आयोजित करण्यात आलेल्या या कार्यक्रमाला नागरिकांचा उत्स्फूर्त प्रतिसाद लाभला.
