पुणे- कोरेगाव पार्क येथील इन्फिस्को शेअर मार्केट कंपनीचा मालक भुपेश अशोक दिक्षीत वय ४२ वर्षे, याचेविरुध्द आर्थिक गुन्हे शाखा, पुणे येथे गुन्हा दाखल करण्यात आला आहे. दरमहा ४ ते १० टक्के व्याजाने ठेवी घेऊन फसवणूक करणे असा त्याच्यावर आरोप आहे.
पोलिसांनी सांगितले कि,’पुणे शहरातील महिला फिर्यादी व इतर लोकांना इन्फिस्को शेअर मार्केट कंपनी मध्ये पैसे गुंतविल्यास सदरचे रक्कमेवर महिन्यास ४ टक्के, ७ टक्के, १० टक्के दराने नफा देण्याचे आमिष दाखवुन त्यांना कोट्यावधी रुपये गुंतवणुक करायला भाग पाडले व सुरुवातीला गुंतवणुकदारांचा विश्वास संपादन करण्यासाठी काही महिने नफा देऊन नंतर मुळ रक्कम, तसेच परतावा न देता, नफा ही न देता अन्यायाने फिर्यादी यांची व इतर गुंतवणुकदारांचीही कोट्यावधी रुपयांची आर्थिक फसवणुक केल्या प्रकरणी सदर तक्रारीचे अनुषंगाने कोरेगाव पार्क पोलीस स्टेशन गु.र.नं-९६/२०२५ भा.न्या.सं. २०२३ चे कलम ३१६(२), ३१६ (५),३१८ (४), व महाराष्ट्र ठेवीदारांच्या (वित्तीय आस्थापनांमधील) हितसंबंधांचे रक्षण करण्याबाबत अधिनियम १९९९ चे कलम ३ व ४ अन्वये गुन्हा दाखल् करण्यात आला असुन सदर गुन्ह्याचा तपास आर्थिक गुन्हे शाखेतर्फे सहा. पोलीस निरीक्षक उत्कर्षा देशमुख या करीत आहेत.
पोलीस आयुक्त अमितेशकुमार गुप्ता, सह पोलीस आयुक्त रंजनकुमार शर्मा, अप्पर पोलीस आयुक्त (गुन्हे)पंकज देशमुख, पोलीस उप आयुक्त, आर्थिक व सायबर गुन्हे विवेक मासाळ,सहा. पोलीस आयुक्त, आर्थिक व सायबर गुन्हे, सौ शुभदा संखे (अतिरिक्त कार्यभार) यांचे मार्गदर्शनाखाली सहाय्यक पोलीस निरीक्षक उत्कर्षा देशमुख (तपासी अधिकारी) या प्रकरणी तपास करीत आहेत..
या इन्फिस्को शेअर मार्केट कंपनी या भुपेश अशोक दिक्षीत यांचेकडुन परतावा देण्याचे आमिष दाखवुन आर्थिक फसवणुक झाली असल्यास संबंधीत कागदपत्रे व पुराव्यांसह आर्थिक गुन्हे शाखा, पुणे शहर या ठिकाणी तपासकामी हजर राहावे असे आर्थिक गुन्हे शाखा, पुणे शहर यांचेकडुन आवाहन करण्यात येत आहे.
