पुणे- महापालिकेच्या ४ शाळांना CSR उपक्रमांतर्गत स्टेम लॅब देण्यात येणार असल्याची माहिती माजी उपमहापौर सिद्धार्थ धेंडे यांनी येथे दिली
ते म्हणाले,’ FIDELITY INFORMANTION SERVICES (FIS) यांच्या CSR उपक्रमांतर्गत SYNERGIE INSTITUTE OF TRADE & COMMERCE INDUSTRY यांच्या माध्यमातून STEM LAB प्रकल्प राबविण्यात येत आहे. या प्रकल्पाचा उद्देश विद्यार्थ्यांमध्ये विज्ञान, तंत्रज्ञान अभियांत्रिकी आणि गणित (STEM) विषयांबाबत प्रात्यक्षिक आधारित शिक्षणाला चालना देणे हा आहे. हा एक अनुभवाधारीत शिक्षण उपक्रम असून, विद्यार्थ्यांचे शैक्षणिक अध्ययन परिणाम सुधारण्यासाठी इंटरअॅक्टीव्ह, प्रत्यक्ष कृतीवर आधारित व उपक्रमाधारित शिक्षण मॉड्यूल्सच्या माध्यमातून राबविण्यात येणार आहे हा प्रकल्प नियमित वर्गातील अध्यापनास पूरक ठरून, संकल्पनात्मक स्पष्टता व प्रात्यक्षिक समज अधिक बळकट करण्याच्या उद्देशाने रचनात्मक व आकर्षक पद्धतीने मोफत राबविण्यात येणार आहे त्यानुसारल ४ शाळांमध्ये स्टेम लॅब (STEM LAB) तयार करण्यासाठी महापालिकेच्या शिक्षण विभागाने परवानगी दिली आहे.
या शाळांची नावे अशी –
- अप्पासाहेब जाधव शाळा क्र. ६ मुलांची, जेल रोड, येरवडा पुणे ६
- मनपा शाळा क्र. ९३ मुलींची, कै. सीताराम देवकर प्रशाला कळस, पुणे
- आनंदऋषीजी महाराज प्रशाला, वडगावशेरी, मनपा शाळा क्र. २०२ वी /९९ जी (मराठी, इंग्रजी)
- बाबाजी टिंगरे प्रशाला मनपा शाळा क्र. १०२ जी, मुजांबा वस्ती, टिंगरे नगर, पुणे.
स्टेम लॅब (STEM LAB) ची उद्दिष्टेः
शाळांमध्ये अनुभवाधारित व सुधारात्मक शिक्षणाला चालना देण्यासाठी इंटरअॅक्टीव्ह लर्निंग लॅब्सची स्थापना करणे.
विद्यार्थ्यांमधील अध्यायनातील तफावत भरून काढण्यासाठी अनुरूप सरंचित सत्रांचे आयोजन करणे.
विद्यार्थ्यांची मुलभूत कौशल्य, आकलन क्षमता व जबाबदार अध्ययनवृत्ती वळकट करणे.
शाळा प्रशासनाच्या सल्ल्याने नियोजित वार्षिक वेळापत्रकानुसार शाळांशी दीर्घकालीन व सहभाग सुनिश्चित करणे.
वरील शाळेकडून स्वतंत्र खोली, वीज व लाईट कनेक्शन या बाबी शाळेकडून उपलब्ध करून देण्यात येईल.
तरी वरीलप्रमाणे नमूद केलेल्या शाळांमध्ये स्टेम लॅब (STEM LAB) तयार करण्याची कार्यवाही करण्यात यावी.
