भारत फोर्जकडून आर्थिक वर्ष २०२६ च्या तिसऱ्या तिमाहीत प्रबळ वाढीची नोंद, देशांतर्गत बाजारपेठ व संरक्षण क्षेत्रात मोठी वाढ
संरक्षण क्षेत्रातील ऑर्डर बुक ११,१३० कोटी रूपयांपर्यंत पोहोचले, बाजारपेठ स्थिर होत असताना उच्च दोन-अंकी वाढ संपादित करण्यास सज्ज
पुणे, १२ फेब्रुवारी २०२६: भारत फोर्ज लिमिटेड (बीएफएल)ने आज ३१ डिसेंबर २०२५ रोजी समाप्त झालेल्या तिमाहीसाठी आर्थिक निकालांची घोषणा केली, जेथे तिमाहीमध्ये भरीव वाढीची नोंद केली.
उत्तर अमेरिकन सीव्ही बाजारपेठेतील मालसाठा कमी होण्याचा या तिमाहीच्या कामगिरीवर परिणाम झाला. असे असताना देखील कंपनीचा स्वतंत्र महसूल ७.० टक्के वाढीसह २,०८४ कोटी रूपयांपर्यंत पोहोचला आणि ईबीआयटीडीए तिमाही-ते-तिमाही ४.६ टक्के वाढीसह ५६९ कोटी रूपयांपर्यंत पोहोचले, जेथे ईबीआयटीडीए मार्जिन २७.३ टक्के होते. देशांतर्गत ऑटोमोटिव्ह व्यवसायामध्ये उत्तम वाढ आणि संरक्षण क्षेत्रात ऑर्डर बुकची अंमलबजावणी यामुळे ही कामगिरी शक्य झाली.
निर्यात महसूलामध्ये ३ टक्के घट झाली, तसेच ऑटो क्षेत्रात १३ टक्के घट झाली आणि औद्योगिक क्षेत्रामध्ये ११ टक्के वाढ झाली. तिसऱ्या तिमाहीत कंपनीने २,३८८ कोटी रूपयांच्या नवीन ऑर्डर्स मिळवल्या, ज्यामध्ये संरक्षण क्षेत्रातील १,८७८ कोटी रूपयांच्या ऑर्डर्सचा समावेश आहे. ३१ डिसेंबर २०२५ पर्यंत संरक्षण क्षेत्रातील ऑर्डर बुक ११,१३० कोटी रूपयांपर्यंत पोहोचले. भारत फोर्जने भारतीय सशस्त्र दलांना २५०,००० हून अधिक युनिट्सचा पुरवठा करण्यासाठी संरक्षण मंत्रालयासोबत सीक्यूबी कार्बाइन करारावर स्वाक्षरी केली. या ऑर्डरमुळे संरक्षण व्यवसायामधील आमच्या स्मॉल आर्म्स व्हर्टिकलसाठी मोठ्या विकासाच्या संधी निर्माण झाल्या आहेत. तिमाहीच्या अखेरपर्यंत जेएस ऑटोकास्ट (जेएसए)ने २०३ कोटी रूपये महसूल आणि ३२ कोटी रूपये ईबीआयटीडीएची (१५.७ टक्के ईबीआयटीडीए मार्जिन) नोंद केली, ज्यामध्ये अनुक्रमे २२ टक्के आणि ३९ टक्के वाढ झाली.
विविध विभागांमध्ये अॅक्सेल असेम्ब्लीचा पुरवठा करणाऱ्या के-ड्राइव्ह मोबिलिटीच्या महसूलामध्ये फारशी वाढ दिसण्यात आली नाही, पण नफ्यामध्ये मोठी वाढ दिसण्यात आली. ईबीआयटीडए मार्जिन आर्थिक वर्ष २६ च्या दुसऱ्या तिमाहीमधील ३.१ टक्क्यांवरून या तिमाहीमध्ये ५.१ टक्क्यांपर्यंत वाढले. कंपनीला पुढील तीन वर्षांच्या कालावधीत मार्जिन प्रोफाइलमध्ये सुधारणा होत राहण्याची अपेक्षा आहे. पीव्ही बाजारपेठेत हंगामी मंदीचे वातावरण असताना देखील अमेरिका व युरोपमधील कार्यचालन नफ्यामध्ये काहीशी वाढ दिसण्यात आली. युरोपमधील स्टील उत्पादन उपस्थितीचा आढावा घेण्याचे काम सुरू आहे आणि या आर्थिक वर्षाच्या अखेरपर्यंत त्यासंदर्भात उपाययोजना लागू केल्या जाण्याची अपेक्षा आहे.
या आर्थिक कामगिरीबाबत मत व्यक्त करत अध्यक्ष व व्यवस्थापकीय संचालक श्री. बाबा कल्याणी म्हणाले, ”आर्थिक वर्ष २६ ची चौथी तिमाही आणि आर्थिक वर्ष २७ कडे वाटचाल करताना आम्हाला सांगावेसे वाटते की, आता मंदीचा काळ मागे राहिला आहे आणि स्थिती हळूहळू सुधारू लागली आहे. सर्व क्षेत्रांमध्ये देशांतर्गत व निर्यात बाजारपेठा उत्तम स्थितीत दिसत आहेत आणि आर्थिक वर्ष २०२७ च्या दुसऱ्या सहामाहीत एटीएजीएस अंमलबजावणीची सुरूवात होण्यासह आम्हाला महसूलामध्ये उच्च दोन-अंकी वाढ होण्याची, तसेच त्याचा नफ्यावर अनुकूल परिणाम होण्याची अपेक्षा आहे.”
आर्थिक कामगिरी (स्वतंत्र)
- महसूल: २०,८३७ दशलक्ष रूपये (तिमाही-ते-तिमाही ७.० टक्के वाढ)
- ईबीआयटीडीए: ५,६९४ दशलक्ष रूपये (तिमाही-ते-तिमाही ४.६ टक्के वाढ)
- ईबीआयटीडीए मार्जिन: २७.३ टक्के (उत्पादन मिश्रण व टेरिफ खर्चांमुळे तिमाही-ते-तिमाही ७० बीपीएसची घट)
- करपूर्व नफा (पीबीटी) (अपवादात्मक बाबींपूर्वी): ४,४३३ दशलक्ष रूपये (तिमाही-ते-तिमाही २.७ टक्के वाढ
- करोत्तर नफा (पीएटी): २,८८१ दशलक्ष रूपये
आर्थिक वर्ष २६ च्या नऊमाहीमधील कामगिरी:
- महसूल: ६१,३५३ दशलक्ष रूपये
- ईबीआयटीडीए: १७,०१८ दशलक्ष रूपये
- करोत्तर नफा (पीएटी): ९,३६६ दशलक्ष रूपये
