पुणे : वारजे माळवाडी पोलीस ठाण्याच्या हद्दीत ध्वनीप्रदूषण व शांततेचा भंग करणाऱ्या फटाका सायलंसर बसविणाऱ्या दुचाकी वाहनांवर पोलिसांनी प्रभावी कारवाई केली. नागरिकांकडून आलेल्या तक्रारीनंतर पोलिसांनी विशेष पथक तयार करून वारजे, कर्वेनगर व शिवणे परिसरात पेट्रोलिंग करत १५ बुलेट दुचाकी चालकांवर कारवाई केली.चौकशीत या दुचाकींना मॉडिफाय सायलंसर वारजे येथील रॉयल बाईक सर्विस या गॅरेजमधून बसविण्यात आल्याचे उघड झाले. पोलिसांनी गॅरेज मालक योगेश दामोदर सपकाळ (वय ३३) याच्यावर गुन्हा दाखल केला असून भारतीय न्याय संहिता, मोटार वाहन कायदा व महाराष्ट्र पोलीस अधिनियम अंतर्गत कारवाई करण्यात आली आहे.जप्त केलेले सर्व मॉडिफाय सायलंसर आरएमडी कॉलेज समोर रोड रोलरखाली चिरडून नष्ट करण्यात आले. तसेच दुचाकी चालकांचे समुपदेशनही करण्यात आले.
ही कारवाई पुणे शहर पोलीस आयुक्त अमितेशकुमार व वरिष्ठ अधिकाऱ्यांच्या मार्गदर्शनाखाली वारजे माळवाडी पोलीस ठाण्याच्या पथकाने पार पाडली.
वारजे माळवाडी पोलीस ठाणेचे हद्दीत बुलेट दुचाकी गाड्यांना मॉडिफाय केलेले व फटाके वार्जावणारे सायलंसर बसवून शांततेचा भंगकरुन ध्वनीप्रदुषण निर्माण करणारे दुचाकीचालक यांच्यावर परिणामकारक कारवाई करा म्हणून नागरिकांच्या तक्रारी प्राप्त झाल्या होत्या. या तक्रारींच्या अनुषंगाने दिनांक १०/०२/२०२६ रोजी वारजे माळवाडी पोलीस ठाणेचे हद्दीत वरिष्ठ पोलीस निरीक्षक महेश बोळकोटगी यांनी तपास पथकाचे पोलीस अधिकारी पोलीस उपनिरीक्षक संजय नरळे यांच्या मागर्दशनाखाली मॉडिफाय केलेले व फटाके वाजविणारे सायंलसर लावून फिरणाऱ्या दुचाकी चालकांविरुध्द कारवाई करणेबाबत पथक नेमून आदेश दिले होते. त्याप्रमाणे कारवाई करणेकरीता तपास पथकाचे पोलीस अधिकारी संजय नरळे व स्टाफ यांनी वारजे, कर्वेनगर, शिवणे भागत पेट्रोलिंग करुन पेट्रोलिंग दरम्यान मॉडिफाय केलेले व फटाके वाजविणारे सायलेंसर लावून शांततेचा भंग करणाऱ्या १५ बुलेट दुचाकी चालकांविरुध्द वाहतुक विभागाच्या मदतीने कारवाई करुन सदर दुचाकींचे सायलंसर जप्त केले. तसेच कारवाई केलेल्या दुचाकीचालकांकडे केलेल्या चौकशीत त्यांनी सदरचे मॉडिफाय केलेले सायलंसर हे वारजे येथिल रॉयल बाईक सर्विस या गॅरेजमधून बसविले असल्याचे सांगितल्याने पोलीस उपनिरीक्षक संजय नरळे सदर गॅरेजमध्ये जावून चौकशी केली असता तेथे सदर गॅरेजचे मालक योगेश दामोदर सपकाळ, वय ३३ वर्षे, धंदा गॅरेज, रा. ओप्यूलन्स बिल्डींग, झील कॉलेज चौक, नन्हे, पुणे हा बुलेट मोटारसायकलला मॉडिफाय केलेले व फटाके वाजविणारे सायलंसर बसवितांना मिळून आल्याने त्यांचेविरुध्द वारजे माळवाडी पोलीस ठाणे येथे गुन्हा रजि. नं.४३/२०२६, भारतीय न्याय संहिता कलम २२३, २७०,४९, मोटार वाहन कायदा कलम १९० (२) व महाराष्ट्र पोलीस अधिनियम कायदा कलम ३७ (१) (३) सह१३५ प्रमाणे गुन्हा दाखल करण्यात आला आहे. तसेच कारवाई दरम्यान जप्त केलेले मॉडिफाय सायलंसर हे आर एम डी कॉलेज समोर रोड रोलरने चकणाचुर करुन दुचाकीचालकांचे समुपदेशन केले आहे. अशा पद्धतीने ध्वनी प्रदूषण करणाऱ्या मोठ्या आवाजांच्या वाहनांच्या बाबत तक्रार करून नागरिक पोलिसांमार्फत कारवाई करू शकतात . जागृत नागरिकांनी अशा बाबी पोलिसांच्या निदर्शनास आणून द्याव्यात असे आवाहन करण्यात आले आहे.जी अशा प्रकारच्या वाहने निदर्शनास येतील पोलीस त्यावर स्वताहून कारवाई करतील .
ही कारवाई पोलीस आयुक्त अमितेश कुमार, सह पोलीस आयुक्त रंजनकुमार शर्मा, अप्पर पोलीस आयुक्त पश्चिम प्रादेशिक विभाग राजेश बनसोडे,अप्पर पोलीस आयुक्त, पूर्व प्रादेशिक विभाग,मनोज पाटील, पोलीस उपआयुक्त, परिमंडळ ३ संभाजी कदम,सहा. पोलीस आयुक्त, कोथरुड विभाग सुजाता तानवडे यांच्या मार्गदर्शनाखाली व वरिष्ठ पोलीस निरीक्षक महेश बोळकोटगी,पोलीस निरीक्षक (गुन्हे) प्रकाश धेंडे यांच्या देखरेखीत वारजे माळवाडी पोलीस ठाणेकडील पोलीस अधिकारी व अंमलदार यांनी केली आहे.
