सभागृह नेते गणेश बिडकरांकडून स्वर्गीय अजितदादा पवार यांचे तैलचित्र भेट
पुणे (दि ०९): दिवंगत उपमुख्यमंत्री स्वर्गीय अजितदादा पवार यांचे स्मरण पुणे महापालिकेत कायमस्वरूपी राहावे, या उद्देशाने सभागृह नेते गणेश बिडकर यांच्या वतीने पुणे महानगरपालिकेला स्व. अजितदादा पवार यांचे तैलचित्र भेट देण्यात आले. हे तैलचित्र नवनिर्वाचित महापौर मंजुषा नागपुरे यांच्याकडे औपचारिकरित्या सुपूर्द करण्यात आले. हे तैलचित्र महाराष्ट्र राज्य कला पुरस्कार विजेता अमित ढाणे यांनी साकारले आहे.
महापौर व उपमहापौर निवडीनंतर महापालिकेच्या सभागृहात दिवंगत अजितदादा पवार यांना श्रद्धांजली वाहण्यासाठी विशेष श्रद्धांजली सभा घेण्यात आली. यावेळी त्यांच्या कार्याचा, राजकीय व सामाजिक योगदानाचे स्मरण करण्यात आले. पुणे शहराच्या विकासासाठी त्यांनी केलेले कार्य सदैव स्मरणात राहील, अशी भावना सभासदांनी व्यक्त केली.
गणेश बिडकर यांची प्रतिक्रिया
“स्वर्गीय उपमुख्यमंत्री अजितदादा पवार हे विकासाचा ध्यास घेतलेले, जनतेसाठी सतत झटणारे लोकनेते होते. पुणे शहराच्या जडणघडणीत त्यांचे योगदान मोलाचे आहे. त्यांचे तैलचित्र महापालिकेत कायमस्वरूपी राहावे, जेणेकरून भावी पिढीला त्यांच्या कार्याची प्रेरणा मिळेल, यासाठी ही आदरांजली अर्पण केली आहे.”
