पुणे- महापालिकेच्या निवडणुकीत भाजपाने तब्बल ११९ जागांवर विजय मिळविला आणि भाजपचाच महापौर होईल हे अधोरेखित झाले . असे असले तरी लोकशाही मध्ये आम्हाला चिंता नाही हारण्याची मात्र कर्तव्यपूर्ती असेल लढण्याची अशी भूमिका घेत कॉंग्रेस पक्षाने आज महापालिकेत येऊन नगरसचिव योगिता भोसले यांच्याकडे महापौर पदासाठी अश्विनी लांडगे यांचा उमेदवारी अर्ज दाखल केला तर उपमहापौर पदासाठी साहिल शिवाजी केदारी या ओब्क तरुण नगरसेवकाचा उमेदवारी अर्ज दाखल केला. यावेळी लांडगे यांनी आपणास महापौर पदाची उमेदवारी देऊन हा आपला सन्मानच कॉंग्रेस पक्षाने केल्याचे म्हटले आहे. तर शहर कॉंग्रेसचे अध्यक्ष अरविंद शिंदे यांनी महापालिका निवडणुकीत सहमतीच्या विचाराचा पक्ष म्हणून आम्ही ज्यांना सन्मान दिला त्यांची आता भाजपा विरोधात लढण्याची मानसिकता दिसत नाही , निवडणुकीत ते भाजपा विरोधात लढले आणि आता मात्र ते वेगळी भूमिका घेत असल्याचा ठपका ठेवत आम्ही सांगत होतो घड्याळाला मत म्हणजे भाजपला मत तसेच आता सिद्ध होत असल्याचे म्हटले आहे आणि भाजपच्या विरोधात फक्त कॉंग्रेस पक्षच लढू शकतो असेही म्हटले आहे. यावेळी कॉंग्रेसचे नेते रमेश बागवे, मोहन जोशी , प्रशांत जगताप, अविनाश बागवे आदी मान्यवर कार्यकर्ते ,पदाधिकारी उपस्थित होते.
दुसरीकडे अजितदादा गटाच्या राष्ट्रावादी कॉंग्रेस पक्षाने आज आपल्या वरिष्ठ नेत्यांशी संपर्क केला होता पण निर्णय होऊ शकला नाही , दरम्यान विरोधी पक्ष नेते म्हणजेच राष्ट्रवादीचे गटनेते निलेश निकम यांनी सांगितले कि, तूर्तास आम्ही स्थानिक पाळीवर भाजपच्या विरोधात महापौर पदासाठी शितल सावंत तर उपमहापौर पदासाठी दत्ता बहिरट यांना उमेदवारी देऊन त्यांचे उमेदवारी अर्ज दाखल केले आहेत . मात्र याबाबत वरिष्ठ नेते सांगतील त्याप्रमाणे भूमिका घेण्यात येईल. आम्ही पुणेकरांना बांधील आहोत , जिथे चूक दिसेल तिथे विरोध करू , कॉंग्रेसच्या शहर अध्यक्षांच्या टिप्पणीवर निकम म्हणाले , सध्या तरी त्यांना तेवढेच काम उरलेले आहे. यावेळी आमदार चेतन तुपे पाटील , माजी आमदार सुनील टिंगरे,सुभाष जगताप ,मुकारी अलगुडे आदी मान्यवर उपस्थित होते.
