संपूर्ण बॉलिवूडला इशारा
मुंबई- ‘पुढच्या वेळी बेडरूममध्ये गोळी चालेल’;रोहित शेट्टीच्या घरी हल्ल्याच्या प्रकरणाची जबाबदारी शुभम लोणकर नामक आरजू बिश्नोई गँगच्या एकाने घेतली आहे. एका शोषल मीडियातील पोस्टमध्ये याची माहिती देण्यात आली आहे.असे काही माध्यमांतून वृत्त प्रसारित झाले आहे. या संदेशात असेही म्हटले आहे कि,’ त्यांनी पुढे सुधारणा न झाल्यास वाईट परिणाम भोगावा लागेल अशी धमकीही दिली आहे.मुंबई: प्रसिद्ध दिग्दर्शक रोहित शेट्टीच्या जुहू येथील निवासस्थानावर उशिरा रात्री गोळीबार झाल्याचा प्रकार समोर आला. या प्रकरणानंतर परिसरातील सुरक्षितता वाढवण्यात आली आहे. दरम्यान, लॉरेंस बिश्नोई गँगने या प्रकरणाची जबाबदारी घेतली आहे. शुभम लोणकर आरजू बिश्नोई या नावाच्या फेसबुक आयडीवर घटनेबाबत पोस्ट करून जबाबदारी घेतली आहे. या पोस्टमध्ये बॉलिवूडमधील इतर अभिनेत्यांना धमकी देण्यात आली आहे. यात स्पष्टपणे सांगितले आहे की, वेळीच सुधरून जा अन्यथा खूप वाईट हाल होईल. जर पुढेही आपली बोलणी समजली नाही आणि मानली नाही तर आता घराबाहेर नाही तर आत बेडरूममध्ये गोळी चालेल.संपूर्ण बॉलिवूडला धमकी
शुभम लोणकर आरजू बिश्नोई या नावाच्या फेसबुक आयडीवरच्या पोस्टमध्ये लिहिले आहे, “राम राम जय बजरंग बाली सर्व भाऊंना… आज मुंबईत (शेट्टी टॉवर) चित्रपट दिग्दर्शक रोहित शेट्टीच्या घरी जे गोळीबार झाले त्याची जबाबदारी SHUBHAM LONKER AARZOO BHISHNOI HARI BOXER HARMAN shandu आम्ही घेतो. आम्ही त्याला अनेकदा मेसेज दिले की आमच्या कामात हस्तक्षेप करू नका पण त्याला समजले नाही. त्याला हा छोटासा ट्रेलर दिला आहे. जर पुढेही आमची बोलणी समजली नाही आणि मानली नाही तर आता घराबाहेर नाही तर त्याच्या बेडरूममध्ये छातीवर गोळी चालेल आणि पुढे संपूर्ण बॉलिवूडला इशारा आहे की वेळीच सुधरून जा अन्यथा खूप वाईट हाल होईल तुमचा. बाबा सिद्दीकीपेक्षा वाईट हाल करू तुमचे.”जागा कमी पडेल
पोस्टमध्ये पुढे लिहिले आहे, “ज्यांना आम्ही फोन केले आहेत त्यांना वेळीच लाइनवर या अन्यथा लपायला जागा कमी पडेल तुम्हाला आणि जितनेही आमचे शत्रू आहेत तयार राहा लवकरच भेट होईल तुमची wait and watch !! (NOTE= एकच होता एकच आहे आणि एकच राहील Lawrence BHISHNOI group !!) जय श्री राम… जय बालकरी.”शुभम लोंकार आणि आरजू बिश्नोई कोण आहेत?
शुभम लोणकर हाच तो गँगस्टर आहे जो बाबा सिद्दीकी हत्याकांडात वॉंटेड आहे. एजन्सींना बाबा सिद्दीकी हत्याकांडानंतर शुभम लोणकर ची शेवटची लोकेशन नेपाळमध्ये मिळाली होती, त्यानंतर त्याचा काही पत्ता लागला नाही. प्रसिद्ध गायक B PRAK ला आरजू बिश्नोईने नुकतेच धमकी दिली होती, १० कोटी मागितले होते. दरम्यान, रोहित शेट्टीच्या घरी हल्ल्याच्या प्रकरणात अद्याप मुंबई पोलिसांच्या टीमने पुण्यातून पाच संशयितांना ताब्यात घेतले आहे. या संशयितांची चौकशी सुरू आहे. गोळीबार प्रकरणात या संशयितांची काही भूमिका आहे का हे तपासले जात आहे. पुणे पोलिसांनी या संशयितांची माहिती मुंबई क्राइम ब्रांचशी शेअर केली आहे.
