कुटुंबाअगोदर पंतप्रधान नरेंद्र मोदी यांच्याकडून सुनेत्रा पवारांना मिळाल्या शुभेछ्या
पुणे- एकीकडे रोहित पवार यांनी काकी आभाळा एवढे दुखः समोर असताना तुला कशा देऊ शुभेछ्या असे म्हटले आणि कुटुंबातून केवळ युगेंद्र पवार यांच्याकडून उपमुख्यमंत्री सुनेत्रा पवार यांना शुभेछ्या मिळाल्या असताना पंतप्रधान नरेंद्र मोदी यांनी सुनेत्रा पवार उपमुख्यमंत्री होताक्षणी त्यांना शुभेछ्या देणारे संदेश सोशल मिडियातून दिले आहेत. ज्याची दखल तातडीने सुनेत्रा पवार यांनी देखील घेतली आहे. आणि मोदी यांच्या शुभेछ्या प्रेरणादायी असल्याचे म्हटले आहे.
नरेंद्र मोदी यांनी या शुभेछ्या संदेशात असे म्हटले आहे कि,’महाराष्ट्राच्या पहिल्या महिला उपमुख्यमंत्री म्हणून कार्यकाळ सुरू करणाऱ्या सुनेत्रा पवार जी यांना शुभेच्छा. मला विश्वास आहे की त्या राज्यातील जनतेच्या कल्याणासाठी अथक परिश्रम करतील आणि दिवंगत अजितदादा पवार यांचे स्वप्न पुढे नेतील.
सुनेत्रा पवार यांनी तातडीने या शुभेछ्या स्वीकारत सोशल मिडिया तूनच यावर आपल्या भावना व्यक्त केल्या आहेत .
त्यांनी म्हटले आहे कि ,’आपण दिलेला आशीर्वाद माझ्यासाठी प्रेरणादायी आहे. महाराष्ट्राच्या सेवेसाठी नव्या जबाबदारीची सुरुवात करताना आपल्या शब्दांनी जनकल्याणाच्या कामासाठीचा आत्मविश्वास वाढला. राज्यातील जनतेच्या कल्याणासाठी प्रामाणिकपणे, समर्पित भावनेने कार्य करण्याचा संकल्प यामुळे अधिक बळकट झाला आहे. आपल्या विश्वासाबद्दल मनःपूर्वक धन्यवाद…
या शिवाय योगी आदित्यनाथ यांनीही सुनेत्रा पवार यांना शुभेछ्या दिल्या आहेत.
