पुणे-📍मंगळवार, दि. २७ जानेवारी २०२६
शिवणे ते खराडी – कर्वेनगर हद्दीमधील १२० फुटी डीपी रस्त्याचे काम त्याची अवस्था महापालिका युक्तांच्या लक्षात आणून देत या रस्त्याचे काम त्वरित पूर्ण करण्यासाठी नगरसेवक स्वप्निल देवराम दुधाने यांनी पुन्हा पाठलाग सुरु केला आहे.त्यांनी आज पुणे मनपाच्या पथ विभागाचे उप अभियंता वझे आणि कनिष्ठ अभियंता भोंडे यांच्यासह प्रत्यक्ष ठिकाणी भेट देत परिस्थिती दाखवून दिली .या ठिकाणी पदपथ, रस्ता दुभाजक, काँक्रिटीकरण अशी अनेक कामे पूर्णत्वास न गेल्याने रस्त्याला कचराकुंडीचे स्वरूप आले आहे. यामुळे नागरिकांच्या सुरक्षिततेचा प्रश्न निर्माण होत असून प्रभागातील नागरिकांना विश्वासात घेऊन अधिकारी वर्गाकडे त्यांच्या भावना पोहोचविल्या . आणि दुपारी दोन वाजता त्वरित आयुक्त नवल किशोर राम यांना निवेदन देऊन पूर्ण झालेल्या रस्त्याची अवस्था सुधारावी, तर उर्वरित रस्त्याचेही काम लवकरात लवकर पूर्ण करावे, अशी भूमिका मांडली . आणि प्रभागातील एक आदर्श रस्ता म्हणून हा रस्ता नावारूपास यावा, अन्यथा नागरिकांच्या सहकार्यातून लोकआंदोलन उभे करत सदर काम पूर्णत्वास नेण्याची जबाबदारी लोकप्रतिनिधी या नात्याने आमची असेल, असेही सांगितले .
आपल्या प्रभाग क्र. ३०,(कर्वेनगर – हिंगणे होम कॉलनी) मधील शिवणे ते खराडी हा नदीपात्रालगतचा कर्वेनगर हद्दीतील महत्वपूर्ण रस्ता आहे. आपल्या प्रभागात सव्वादोन किमी लांबीचा रस्ता आपल्या प्रभागात स्थित असून यापैकी १.८ किमी रस्त्याचे काम पूर्ण झाले असून उर्वरित ३० टक्के रस्ता मनपाच्या मिसिंग लिंकमध्ये असल्याने रस्त्याचे काम अद्याप प्रलंबित आहे.
