पुणे- उत्तर प्रदेशचे माजी मुख्य सचिव तसेच केंद्रीय गृहनिर्माण आणि शहर विकास मंत्रालयाचे माजी सचिव दुर्गाशंकर मिश्रा यांनी आज महापालिकेतील अधिकाऱ्यांशी संवाद साधून विविध प्रकल्पांची माहिती घेतली.
उत्तर प्रदेशचे माजी मुख्य सचिव तसेच केंद्रीय गृहनिर्माण आणि शहर विकास मंत्रालयाचे माजी सचिव दुर्गाशंकर मिश्रा यांनी आज पुणे महानगरपालिकेला भेट दिली. यावेळी महापालिका आयुक्त नवल किशोर राम, यांनी अमृत २.०, रस्ते, पाणीपुरवठा, घनकचरा व्यवस्थापन, मलनिस्सारण इत्यादी विभागांद्वारे राबविण्यात येणाऱ्या विविध प्रकल्पांबाबत सादरीकरण केले. सदर प्रकल्पांसंदर्भात दुर्गाशंकर मिश्रा यांनी सविस्तर पणे माहिती घेतली तसेच महत्त्वपूर्ण सूचना केल्या.
यावेळी अतिरिक्त महापालिका आयुक्त (जनरल) पवनीत कौर,अतिरिक्त महापालिका आयुक्त (इस्टेट) पृथ्वीराज बी. पी. अतिरिक्त महापालिका आयुक्त (विशेष) ओमप्रकाश दिवटे, तसेच अन्य विभागांचे उपायुक्त, खातेप्रमुख तसेच अधिकारी आणि कर्मचारी उपस्थित होते.
