मुंबई, 17 जानेवारी, 2026: येस बँकेने आपले Q3FY26 चे निकाल जाहीर केले असून, करपश्चात नफ्यात वार्षिक 55.4% वाढ झाली असून तो ९५२ कोटी रुपये एवढा झाला आहे. बँकेचा ऑपेरेटिंग नफा (ग्रॅच्युइटीच्या परिणामासाठी समायोजित) 1,389 कोटी रुपयांपर्यंत वाढला, जो वार्षिक 28.7% आणि तिमाहीत 7.1% ची सुधारणा दर्शवतो. Q3 FY26 साठी निव्वळ व्याज उत्पन्न (NII) 2,466 कोटी रुपये होते, यात वार्षिक 10.9% तर तिमाहीत 7.2% नी वाढ झाली आहे. या तिमाहीसाठी निव्वळ व्याज मार्जिन (NIM) 2.6% एवढे आहे, जे वार्षिक आधारावर 20 बेसिस पॉइंट्स आणि तिमाही आधारावर 10 बेसिस पॉइंट्सनी जास्त आहे. बिगर-व्याज उत्पन्न 1,633 कोटी रुपये होते, ज्यात वार्षिक 8.0% ने वाढ झाली आहे.
सलग सहाव्या तिमाहीत बँकेने आपले खर्च-उत्पन्न गुणोत्तर यशस्वीरित्या कमी केले आहे. जे आर्थिक वर्ष 26 च्या तिसऱ्या तिमाहीत 66.1% वर पोहोचले आहे. तर आर्थिक वर्ष 26च्या तिसऱ्या तिमाहीत मालमत्तेवरील परतावा (RoA) सुधारून 0.9% झाला, जो आर्थिक वर्ष 25च्या याच काळात आणि आर्थिक वर्ष 26च्या दुसऱ्या तिमाहीतील 0.6% पेक्षा जास्त आहे.
वार्षिक ताळेबंदात सकारात्मक गती कायम राहिली आहे. गेल्या वर्षाच्या तुलनेत एकूण ठेवी 5.5% ने वाढून 2,92,524 कोटी रुपये झाल्या. CASA गुणोत्तर Q3FY25 मधील 33.1% वरून 34% पर्यंत वाढले. निव्वळ कर्जांमध्ये वर्षभरात 5.2% आणि तिमाहीत 2.9% वाढ होऊन ती 2,57,451 कोटी रुपये झाली.
निकालांवर आणि आर्थिक कामगिरीवर भाष्य करताना, येस बँकेचे व्यवस्थापकीय संचालक आणि सीईओ श्री. प्रशांत कुमार म्हणाले, “नफ्यातील वाढ, मालमत्तेच्या गुणवत्तेत झालेली लक्षणीय सुधारणा, व्यवसायाचा विस्तार, (वितरण) आलेली गती आणि CASA मधील सातत्यपूर्ण या क्षेत्रातील सर्वोत्तम कामगिरी यांसारख्या अनेक घटकांमुळे आर्थिक वर्ष 26मधील तिसरी तिमाही ही बँकेसाठी एक महत्त्वपूर्ण तिमाही ठरली आहे.”
पुनर्रचनेनंतर प्रथमच, बँकेच्या तिमाही RoA ने (ग्रॅच्युइटीचा परिणाम वगळून) 1.0% चा महत्त्वाचा टप्पा गाठला आहे. प्रत्यक्ष कार्यवाहीच्या वेळी, निव्वळ व्याज मार्जिनमधील वाढ, शुल्क उत्पन्नातील तेजी आणि परिचालन खर्चांवर ठेवलेल्या कठोर नियंत्रणामुळे हे शक्य झाले आहे. याव्यतिरिक्त, या तिमाहीत निव्वळ क्रेडिट खर्च नगण्य होता, ज्याला कर्जाच्या 1.6% इतक्या आठ-तिमाहीतील नीचांकी स्लिपेजमुळे आणि सिक्युरिटी रिसीट्स पोर्टफोलिओमधून सुरू असलेल्या वसुलीमुळे पाठिंबा मिळाला.
उद्योग क्षेत्रातील आव्हानात्मक परिस्थिती असूनही CASA गुणोत्तर मजबूत झाल्यामुळे, प्रतिस्पर्धकांच्या तुलनेत ठेवींच्या खर्चात अधिक वेगाने सुधारणा होत आहे. शिवाय, विशेषतः किरकोळ कर्ज वितरणाला गती मिळाल्याने, आगामी तिमाहीत वाढ अधिक वेगाने होईल, अशी आम्हाला अपेक्षा आहे. या अनुकूल घटकांच्या मदतीने, आम्ही आमची धोरणात्मक उद्दीष्टे पूर्ण करण्याच्या आणि भागधारकांसाठी दीर्घकालीन मूल्य निर्माण करणारी एक लवचिक, उच्च-गुणवत्तेची संस्था उभारण्याच्या मार्गावर ठाम आहोत.”
31 डिसेंबर 2025पासून येस बँकेचा निफ्टी बँक इंडेक्समध्ये समावेश करण्यात आला. आर्थिक वर्ष 2026च्या तिसऱ्या तिमाहीत, येस बँकेने 33 नवीन शाखा उघडल्या आणि 9 महिन्यांत एकूण 76 शाखा उघडल्या आहेत, ज्यामुळे पूर्ण वर्षाच्या 80 शाखांच्या उद्दिष्टापैकी 95% उद्दिष्ट साध्य झाले आहे. फूड कॉर्पोरेशन ऑफ इंडिया कॉन्ट्रिब्युटरी प्रॉव्हिडंट फंड (TFCICPF) च्या विश्वस्तांसाठी कस्टडी सेवा प्रदाता म्हणून नियुक्ती झाल्यामुळे बँकेला कस्टोडियल सेवांमध्ये सर्वात मोठ्या सरकारी कंत्राटांपैकी एक मिळाले. याबरोबरच कस्टोडियन क्लिअरिंगमधील सर्वोच्च कामगिरी करणारी बँक म्हणूनही बीएसईकडून बँकेला गौरवण्यात आले, ज्यामुळे भांडवली बाजारातील कामकाजात तिच्या नेतृत्वाला पाठबळ मिळाले.
