मुंबई:राज्य निवडणूक आयोगाची पत्रकार परिषद सुरू झाली आहे. त्यात मुंबईसह राज्यभरातील 29 महापालिका निवडणुकांची घोषणा होण्याची शक्यता आहे. या निवडणूक प्रक्रिया जवळपास सर्व तयारी पूर्ण करण्यात आली आहे. त्यामुळे आज निवडणुकांची घोषणा झाली, तर त्यानंतर राज्यात तत्काळ आचारसंहिता लागू होईल.
महापालिकेच्या निवडणुकीचे वेळापत्रक
नामनिर्देशन पत्र स्वीकारणे – 23 डिसेंबर ते 30 डिसेंबर
अर्जाची छाननी – 31 डिसेंबर
उमेदवारी माघारीची मुदत – 2 जानेवारी
चिन्ह वाटप आणि अंतिम उमेदवार यादी – 3 जानेवारी
मतदान – 15 जानेवारी
निकाल – 16 जानेवारी
राज्यातील 27 महापालिकांची मुदत संपली आहे. त्यासोबत जालना आणि इचलकरंजी या दोन नवीन महापालिकांच्या निवडणुका होणार आहेत. या महापालिका निवडणुकांसाठी 1 जुलै 2025 रोजीची मतदान यादी ग्राह्य धरण्यात येणार आहे. ही यादी केंद्रीय निवडणूक आयोगाकडून आली असल्याने त्यामध्ये नावे वगळण्याचे अधिकार राज्य आयोगाला नाहीत असं स्पष्ट करण्यात आलं आहे.
एकूण मतदार – 3.48 कोटी
एकूण मतदार केंद्र – 39,147
मुंबईसाठी मतदार केंद्र – 10,111
कंट्रोल यूनिट – 11,349
बॅलेट यूनिट – 22,000
मुंबई महापालिकेमध्ये एक सदस्यीय वॉर्ड असल्यामुळे मतदारांना एकच मत द्यावं लागणार आहे. तर उर्वरित 28 महापालिकांसाठी एक ते पाच सदस्यीय वॉर्ड असल्याने त्यानुसार मतदान द्यावं लागणार आहे.
महापालिका निवडणुकीसाठी उमेदवारी अर्ज फक्त ऑफलाईन पद्धतीने करता येणार आहे. तसेच ज्या उमेदवारांकडे सध्या जात वैधता प्रमाणपत्र नाही त्यांना निवडणुकीपासून सहा महिन्यांच्या आत सादर करावं लागणार आहे.
कोणत्या 29 महापालिकांमध्ये निवडणूक होणार?
1.बृहन्मुंबई – 227
2.भिवंडी-निजामपूर – 90
3.नागपूर- 151
4.पुणे- 162
5.ठाणे – 131
6.अहमदनगर – 68
7.नाशिक- 122
8.पिंपरी-चिंचवड – 128
9.औरंगाबाद – 113
10.वसई-विरार – 115
11.कल्याण-डोंबिवली – 122
12.नवी मुंबई – 111
13.अकोला – 80
14.अमरावती – 87
15.लातूर – 70
16.नांदेड-वाघाळा – 81
17.मीरा-भाईंदर – 96
18.उल्हासनगर – 78
19.चंद्रपूर – 66
20.धुळे – 74
21.जळगाव – 75
22.मालेगाव – 84
23.कोल्हापूर – 92
24.सांगली-मिरज-कुपवाड – 78
25.सोलापूर – 113
26.इचलकरंजी – 76
27.जालना – 65
28.पनवेल – 78
29.परभणी- 65
