मॉस्को :पाकिस्तानी पंतप्रधान शाहबाज शरीफ शुक्रवारी रशियन राष्ट्राध्यक्ष व्लादिमीर पुतिन यांच्या बैठकीत जबरदस्तीने घुसले. त्यावेळी पुतिन तुर्कस्तानचे राष्ट्राध्यक्ष रेसेप तय्यप एर्दोगन यांच्यासोबत बैठक करत होते.
हे प्रकरण तुर्कमेनिस्तानमधील आहे. येथे आंतरराष्ट्रीय शांतता आणि विश्वास मंचची बैठक सुरू आहे. यादरम्यान राष्ट्राध्यक्ष पुतिन आणि पंतप्रधान शाहबाज यांच्यात बैठक होणार होती. पण शाहबाज यांना ४० मिनिटे वाट पाहायला लावल्यानंतरही पुतिन त्यांना भेटायला आले नाहीत.
यानंतर शाहबाज थकून तिथून निघाले आणि पुतिन-एर्दोगन यांच्यात सुरू असलेल्या बैठकीत सामील होण्यासाठी गेले. १० मिनिटांनंतर शाहबाज यांना एकटेच तिथून बाहेर पडताना पाहिले गेले.
थोड्या वेळाने पुतिन तिथून बाहेर पडले तेव्हा त्यांनी एका पत्रकाराकडे पाहून डोळा मारत इशारा केला. या सर्व घटना व्हिडिओमध्ये कैद झाल्या आहेत. रशियन वेबसाइट रशिया टुडे (आरटी न्यूज) ने हे सोशल मीडियावर शेअर केले आहे
