पुणे-टिळक रस्त्यावरील हिराबाग चौकात भरधाव टेम्पोच्या धडकेत एका दुचाकीस्वार तरुणीचा मृत्यू झाला आहे. याप्रकरणी स्वारगेट पोलिसांनी टेम्पोचालकाविरुद्ध गुन्हा दाखल केला आहे.मृत्यू झालेल्या तरुणीचे नाव आरिबा अर्षद आली कुरेशी (वय २४, रा. फेअर ग्रेस सोसायटी, न्यू मोदीखाना, लष्कर, पुणे) असे आहे. याप्रकरणी टेम्पोचालक विश्वंभर दशरथ सोनवणे (वय ६२, रा. मारुतीनगर, वडगाव शेरी) याच्याविरुद्ध गुन्हा दाखल करण्यात आला आहे.भर दुपारी अडीच वाजता हा अपघात झाला .
आरिबाचे वडील अर्शदअली अख्तरअली कुरेशी (वय ५५) यांनी स्वारगेट पोलीस ठाण्यात फिर्याद दिली आहे. पोलिसांनी दिलेल्या माहितीनुसार, आरिबा टिळक रस्त्यावरून स्वारगेटकडे दुचाकीने जात असताना हिराबाग चौकात भरधाव टेम्पोने तिच्या दुचाकीला धडक दिली.या अपघातात आरिबा गंभीर जखमी झाली. तिला तातडीने रुग्णालयात दाखल करण्यात आले, मात्र उपचारादरम्यान तिचा मृत्यू झाला. पोलीस उपनिरीक्षक बी. पी. शिरसट8459908657 या प्रकरणाचा पुढील तपास करत आहेत.
