पुणे —
जैन समाजाची एच.एन.डी. जैन बोर्डिंग, पुणे परत समाजाला मिळवून देण्यासाठी झालेल्या सेव एचएनडी आंदोलनाला मिळालेल्या भव्य व ऐतिहासिक यशानिमित्त आज पुण्यात अत्यंत मंगलमय वातावरणात
“सेव एचएनडी अभिनंदन सोहळा, पीछी परिवर्तन आणि धर्मोदय वर्षायोग कलश निष्ठापन समारोह”
संपन्न झाला.
जैन समाजातर्फे आचार्य गुप्तिनंदिजी गुरुदेवांना “क्रांतिकारी राष्ट्रसंत” ही मानाची उपाधी समजा तर्फे प्रदान करण्यात आली.
त्यांच्या धैर्य, दूरदृष्टी आणि अथक प्रयत्नांमुळे समाजाला मिळालेला हा विजय ऐतिहासिक ठरला.
त्यांच्या नेतृत्वाखाली समाजाने एकजूट दाखवत जैन विद्यार्थ्यांसाठीची ही धरोहर परत मिळवली.
सेव एचएनडी आंदोलनात साथ देणाऱ्या पत्रकारांचा सत्कार
पुण्यातील प्रिंट, इलेक्ट्रॉनिक आणि डिजिटल मीडिया मधील पत्रकारांनी आंदोलनाची बाजू निर्भीडपणे मांडली, प्रसारमाध्यमांद्वारे ही हकिगत प्रशासनापर्यंत पोहोचवली आणि समाजाच्या आवाजाला बळ दिले.
या सर्व पत्रकारांचा जैन समाजातर्फे सन्मानचिन्ह व अभिनंदनपत्र देऊन सत्कार करण्यात आला.
यावेळी शांतीलाल मुथा, विजयकांत कोठारी, ऍड एसके जैन, शोभा धारीवाल, अचल जैन, विलास राठोड, लक्ष्मीकांत खाबिया, बाळासाहेब धोका, सीए अशोक पगारिया, डॉ. कल्याण गंगवाल आदी मान्यवरांची उपस्थिती होती.
सेव एचएनडी चळवळीच्या कोर टीमचा गौरव
आंदोलनाची सुरुवात करून, संघर्षाचा प्रत्येक टप्पा पार करत आणि प्रत्येक परिस्थितीत ठामपणे उभे राहून विजय मिळवून देणाऱ्या अक्षय जैन, सीए आनंद कांकरिया, ऍड योगेश पांडे, स्वप्निल बाफना, स्वप्नील गंगवाल, अण्णा पाटील, चंद्रकात पाटील, सुकौशल जिंतूरकर, महावीर चौगुले यांचा प्रामुख्याने सत्कार करण्यात आला.
या कार्यक्रमाच्या यशस्वीतेसाठी मनीष जैन, महावीर शहा, वीरेंद्र शाह, सुजाता शहा, मिलिंद फडे, देवेंद्र बाकलीवाल, स्वप्निल पाटणी शीतल लोहाडे आदींनी विशेष परिश्रम घेतले.
प्राइड ग्रुपचे अरविंद जैन, एस.पी. जैन, संजोग शहा हे या कार्यक्रमाचे प्रमुख प्रायोजक होते.
समाजातील वरिष्ठांचे मार्गदर्शन
युवा व महिला सहभागाची लक्षणीय उपस्थिती
कार्यक्रमाचा समारोप शांतिपाठाने झाला.
जैन समाजाने भविष्यात विद्यार्थीहित, समाजहित व धर्मसंवर्धनाच्या कार्यात अशीच एकजूट ठेवण्याचा संकल्प केला.
