पुणे-दिव्यांग नागरिकांमध्ये नेमबाजी या खेळाची जनजागृती प्रचार, प्रसार व आवड निर्माण होवून त्यांनी नेमबाजी या खेळाचे प्रशिक्षण घेऊन विविध स्तरांवरील स्पर्धेत सहभागी होवून त्यांनी पदके जिंकून आपल्या शहराचे राज्याचे देशाचे नाव उज्ज्वल करावेत यासाठी पॅरा शुटिंग असोसिएशन ऑफ इंडिया यांच्या मान्यतेने पुणे महानगरपालिका व पॅरा टार्गेट शुटिंग असोसिएशन पुणे यांच्या संयुक्त विद्यमाने सलग ६ व्या वर्षी पुणे जिल्हास्तरीय पॅरा नेमबाजी स्पर्धेचे आयोजन करण्यात आले. पुणे महानगरपालिका व पॅरा टार्गेट शुटिंग असोसिएशन पुणे फक्त स्पर्धेचे आयोजन न करता गेल्या ३ वर्षात पुणे शहरातील २१ दिव्यांग खेळाडूंची निवड करून आकाश कुंभार यांनी मोफत प्रशिक्षण दिले आहे. नेमबाजीसाठी लागणाय्रा साहित्यसाठी पुणे महानगरपालिका यांनी मदत केली आहे. आज पुणे महानगरपालिका व पॅरा टार्गेट शुटिंग असोसिएशन पुणे यांच्या संयुक्त विद्यमाने ६ व्या पुणे जिल्हास्तरीय पॅरा नेमबाजी स्पर्धेचे उद्घाटन पुणे महानगरपालिका आयुक्त नवल किशोर राम यांच्या हस्ते श्री शिवछत्रपती क्रीडा संकुल बालेवाडी येथील नेमबाजी स्टेडियम मध्ये झाले यावेळी रफीक खान, अभिनेत्री रश्मीता शहापूरकर, महानगरपालिका उपआयुक्त संदीप खलाटे , गोविंद दांगट सहाय्यक आयुक्त ,मुख्य समाज विकास अधिकारी रामदास चव्हाण, राजेंद्र मोरे, संस्थापक व प्रशिक्षक आकाश कुंभार उपस्थित होते यावेळी पुणे शहरातील १२८ दिव्यांग खेळाडूंनी सहभागी नोंदविला आहे त्यातील विविध गटातील विजेत्या खेळाडूंना एकूण ५५ हजार रुपयांचे बक्षीस देण्यात येणार आहे तसेच शहरातील १० खेळाडूंची निवड करून राष्ट्रीय स्तरावर पोहचे पर्यंत मोफत प्रशिक्षण देण्यात येणार आहे.
