पुणे :दिनांक: 28 नोव्हेंबर 2025
पुणे शहर वाहतूक पोलीस विभागाकडून दिनांक 10 नोव्हेंबर 2025 पासून अवैधपणे चालणाऱ्या रिक्षावर कारवाई करण्यासाठी 1 अधिकारी व 4 अंमलदार यांचे विशेष कारवाई पथक तयार करण्यात आले. दिनांक 10 नोव्हेंबर 2025 ते दिनांक 26 नोव्हेंबर 2025 दरम्यान सदर पथकाने एकूण 1087 अवैधपणे चालणारे रिक्षावर कायदेशीर कारवाई केलेली आहे.
हेड प्रमाणे केलेली कारवाईची माहिती पुढीलप्रमाणे:
क्षमते पेक्षा जास्त प्रवासी वाहतूक करणे – 234
नो पार्किंग (वाहतुकीस अडथळा) – 92
फ्रंट सीट – 36
विद्याउट युनिफॉर्म – 424
कागदपत्रे जवळ न बाळगणे – 16
सिग्नल उल्लंघन – 16
अनधिकृत रिक्षा थांबा वर रिक्षा लावणे – 38
रॉंग साईड – 36
भाडे नाकारणे – 138
इतर विविध कारवाई -57 याप्रमाणे कारवाई करण्यात आलेली आहे.
पुणे शहर वाहतूक विभागाकडून सर्व रिक्षा चालकांना आवाहन करण्यात आले आहे की, शहरातील वाढत्या वाहतूक कोंडीवर नियंत्रण मिळवण्यासाठी तसेच नागरिकांच्या सुरक्षिततेसाठी वाहतूक नियमांचे काटेकोरपणे पालन करावे.
🔸 निर्धारित रिक्षा स्टँडवरच थांबावे
🔸 रस्त्यावर अनधिकृत पार्किंग टाळावे
🔸 सिग्नल व लेन शिस्त पाळावी
🔸 प्रवाशांशी नम्रपणे आणि प्रामाणिकपणे वागावे
🔸 भाडे मीटरप्रमाणेच आकारावे.
आपले सहकार्य हेच सुरक्षित आणि सुव्यवस्थित वाहतुकीची गुरुकिल्ली आहे.असे सांगत पुणे शहर वाहतूक विभागाच्या वतीने सर्व रिक्षा चालकांना विनम्र आवाहन करण्यात आले आहे.
