पुणे- पुण्याचे दक्षिण द्वार कात्रज मध्ये राजकीय आणि शासकीय अशा आशीर्वादाने अनधिकृत बांधकामांचे जंगल उभे राहिले असून त्याचबरोबर शेकडो नागरिकांनी अतिक्रमणे करून रस्त्यांच्या बाजूला दुकाने थाटली आहेत आणि या परिसरातील नागरी सुविधांचे तीन तेरा वाजवून ठेवले आहेत . डोंगर फोड , अनधिकृत बांधकामे आणि अतिक्रमनांसह दारू धंदे व गुन्हेगारी बाबत सातत्यने नाव येऊ लागलेल्या कात्रज परिसरात आता महापालिकेच्या अनधिकृत बांधकाम निर्मुलन आणि अतिक्रमण विभाग या दोहोंनी नजर वळविली असून कोणत्याही राजकीय हस्तक्षेपाला उडवून लावायची तयारी ठेवत कारवाई सुरु केली आहे.
बांधकाम विकास विभाग दोन क्रमांक दोन अंतर्गत कात्रज परिसरातील माऊली नगर सुखसागर नगर येथे जवळपास 4500 चौरस फूट क्षेत्रावर अनधिकृत बांधकामावर कारवाई करण्यात आली सदर कारवाई मध्ये दोन जेसीबी ब्रेकर पोलीस एम एस एफ व बांधकाम विभागाचे अधिकारी उपस्थित होते.
