श्रीनगर-जम्मू – काश्मीरमधील श्रीनगरमधील नौगाम पोलिस स्टेशनमध्ये गुरुवारी रात्री ११:२० वाजता मोठा स्फोट झाला. यात 9 जणांचा मृत्यू झाला तर २७ जण जखमी झाले. मृतांचा आकडा वाढण्याची शक्यता आहे. जखमींपैकी बहुतेक पोलिस अधिकारी आहेत. त्यांच्यावर ९२ आर्मी बेस आणि एसकेआयएमएस सौरा रुग्णालयात उपचार सुरू आहेत.नौगाम पोलिस स्टेशनच्या स्फोटात कुपवाडा येथील राज्य तपास संस्थेचे (SIA) पोलिस अधिकारी असरार अहमद यांचाही मृत्यू झाला.
जम्मू आणि काश्मीरचे डीजीपी नलिन प्रभात म्हणाले की, हा एक अपघात होता. सॅम्पलिंग दरम्यान हा स्फोट झाला. मृतांमध्ये एक निरीक्षक, तीन फॉरेन्सिक टीम सदस्य, दोन गुन्हे शाखेचे छायाचित्रकार, दोन महसूल अधिकारी आणि एक शिंपी यांचा समावेश आहे.नौगाम पोलीस ठाण्यातील स्फोटाबाबत स्थानिक रहिवासी शफाद अहमद म्हणाले, “काल रात्री ११:२० च्या सुमारास मोठा स्फोट झाला. आम्ही हादरलो. माझे नातेवाईक पोलीस ठाण्याजवळ राहतात. मी त्यांच्याशी बोलू शकलो नाही. ते (सुरक्षा कर्मचारी) आम्हाला त्यांना भेटू देत नाहीत. मी माझ्या आयुष्यात कधीही इतका मोठा स्फोट ऐकला नाही.”
हरियाणातील फरीदाबाद येथे अटक करण्यात आलेल्या डॉ. मुझम्मिल गनईच्या भाड्याच्या घरातून स्फोटके जप्त करण्यात आली. दिल्ली बॉम्बस्फोट प्रकरणात गनईला आधीच अटक करण्यात आली आहे. १० नोव्हेंबर रोजी दिल्लीतील लाल किल्ल्याजवळ झालेल्या कार बॉम्बस्फोटात १३ जणांचा मृत्यू झाला होता.
जम्मू आणि काश्मीर: काल रात्री नौगाम पोलिस स्टेशनजवळ झालेल्या स्फोटात ९ जणांचा मृत्यू आणि अनेक जखमी.
श्रीनगरमधील एसएमएचएस रुग्णालयाबाहेरील दृश्ये जिथे जखमींना आणण्यात आले आहे.
